Расія

07.10.2014
Помнік Уладзіміру Мулявіну ў Екацярынбургу

Помнік народнаму артысту Беларусі і заснавальніку ансамбля «Песняры» Уладзіміру Мулявіну быў адкрыты ў кастрычніку 2014 года ў Екацярынбургу.

31.03.2014
Памятная шыльда Марку Шагалу ў Санкт-Пецярбургу

У Санкт-Пецярбургу 28 сакавіка 2014 года адкрылі мемарыяльную дошку ў гонар сусветна вядомага мастака, ураджэнца Віцебска Марка Шагала. Яна ўстаноўленая на доме нумар 7 па Перакупным завулку, дзе мастак жыў разам са сваёй жонкай Бэлай з 1915 па 1918 год.

28.01.2014
Памятная шыльда Алесю Адамовічу ў Маскве

Адамовіч жыў у Маскве з 1987 года да сваёй смерці ў 1994 годзе. Дом, у якім ён жыў, знаходзіцца ў самым цэнтры горада па адрасе Бальшой Казіхінскі завулак 17 буд. 1.

У 1990–1992 гадох Алесь Адамовіч узначальваў маскоўскае Таварыства беларускай культуры імя Францішка Скарыны, найстарэйшую арганізацыю беларускай дыяспары ў Маскве, якая існуе і дагэтуль.

18.06.2013
Памятная дошка Максіму Гарэцкаму ў Кіраве

У горадзе Кіраве (да 1936 года — мястэчка Пясочня) Калужскай вобласці ў траўні 2013 года з’явілася мемарыяльная дошка беларускаму пісьменніку.

27.08.2012
Помнік М.Багдановічу ў Яраслаўлі

У 1994 годзе ў Яраслаўлі, каля будынка мужчынскай гімназіі, дзе вучыўся Максім, яму паставілі помнік.