Беларускі каляндар памятных дат на чэрвень 2021 года

1 чэрвеня

- 110 гадоў таму, у 1911-м, нарадзіўся Якуб Міско, пісьменнік, журналіст. Памёр у 1981-м.

- 105 гадоў таму, у 1916-м, нарадзіўся Мікола Гваздоў, паэт. Загінуў у 1937-м.

- 105 гадоў таму, у 1916-м, у Вільні створаны Беларускі клуб.

2 чэрвеня

- 215 гадоў таму, у 1806-м, нарадзіўся Аляксандр Валадковіч, адзін з кіраўнікоў паўстання 1830–1831 гг. Памёр у 1862-м.

3 чэрвеня

- 235 гадоў таму, у 1786-м, нарадзіўся Канстанцін Тызенгаўз, асветнік, прыродазнавец. Памёр у 1853-м.

4 чэрвеня

- 35 гадоў таму, у 1986-м, памерла Канстанцыя Буйло (у замужжы Калечыц), паэтка.

5 чэрвеня

- 110 гадоў таму, у 1911-м, нарадзіўся Адам Дасюкевіч, грамадска-культурны дзеяч, журналіст.Расстраляны ў 1943-м.

7 чэрвеня

- 45 гадоў таму, у 1976-м, памёр Міхась Машара, пісьменнік, удзельнік заходнебеларускага нацыянальнага руху.

8 чэреня

- 65 гадоў таму, у 1956-м, памёр Юзюк Фарботка, паэт, грамадска-культурны дзеяч, заолаг.

9 чэрвеня

- 140 гадоў таму, у 1881-м, нарадзіўся Іван Луцкевіч, грамадска-палітычны дзеяч, археолаг, этнограф, публіцыст. Памёр у 1919-м.

11 чэрвеня

- 185 гадоў таму, у 1836-м, памёр Казімір Кантрым, публіцыст, рэдактар, бібліятэкар, удзельнік паўстанняў 1794 і 1830–1831 гг.

- 95 гадоў таму, у 1926-м, нарадзіўся Дзмітрый Сямёнаў, літаратар, дзеяч эміграцыі ў ЗША. Памёр у 1982-м.

- 55 гадоў таму, у 1966-м, памёр Сцяпан Баркоўскі, літаратуразнавец, этнограф.

12 чэрвеня

- 110 гадоў таму, у 1911-м, нарадзіўся Мікола Панькоў, журналіст, бібліяфіл, дзеяч эміграцыі ў Нямеччыне і ЗША. Памёр у 1995-м.

13 чэрвеня

- 295 гадоў таму, у 1726-м, нарадзіўся Антон Барташэвіч, асветнік, філосаф, педагог. Памёр у 1768-м.

- 15 гадоў таму, у 2006-м, памёр Іван Дутка, дзеяч нацыянальнага руху.

14 чэрвеня

- 125 гадоў таму, у 1896-м, нарадзіўся Пётр Татарыновіч, святар, грамадска-культурны дзеяч, літаратар, выдавец, дзеяч эміграцыі ў Італіі і Ватыкане. Памёр у 1978-м.

15 чэрвеня

- 125 гадоў таму, у 1896-м, нарадзіўся Павел Каравайчык, культурны дзеяч, пісьменнік. Расстраляны ў 1937-м.

- 20 гадоў таму, у 2001-м, памёр Валерый Навіцкі (Валянцін Новік), грамадска-культурны дзеяч, дзеяч эміграцыі ў Канадзе.

16 чэрвеня

- 90 гадоў таму, у 1931-м, загінуў Францішак Рамейка, беларускі каталіцкі святар.

18 чэрвеня

- 215 гадоў таму, у 1806-м, нарадзіўся Міхаіл Валовіч, арганізатар нацыянальна-вызваленчага руху, удзельнік паўстання 1830–1831 гг. Павешаны ў 1833-м.

- 110 гадоў таму, у 1911-м, нарадзіўся Аляксандр Шыдлоўскі, культурны дзеяч, кампазітар. Памёр у 2002-м.

19 чэрвеня

- 80 гадоў таму, у 1941-м, нарадзіўся Іван Ласкоў, пісьменнік, перакладчык. Памёр у 1994-м.

22 чэрвеня

- 125 гадоў таму, у 1896-м, нарадзіўся Браніслаў Туронак, культурна-грамадскі дзеяч, публіцыст. Памёр у 1938-м.

23 чэрвеня

- 75 гадоў таму, у 1946-м, у Рэгенсбургу (Баварыя, Нямеччына) заснавана Крывіцкае Навуковае Таварыства імя Францыска Скарыны (старшыня Янка Станкевіч).

24 чэрвеня

- 45 гадоў таму, у 1976-м, памёр Аскар Марыкс, тэатральны мастак, педагог.

26 чэрвеня

- 80 гадоў таму, у 1941-м, ва ўрочышчы Цагельня каля сучаснага Чэрвеня супрацоўнікамі НКУС былі расстраляны 5 тысяч палітвязняў, прыгнаных з Мінскай і іншых турмаў.

27 чэрвеня

- 80 гадоў таму, у 1941-м, у Віцебску НКУС распачаў масавыя расстрэлы палітвязняў (усяго за тры дні было забіта каля 2 тысяч чалавек).

29 чэрвеня

- 125 гадоў таму, у 1896-м, нарадзіўся Уладзіслаў Казлоўскі, грамадска-палітычны дзеяч, паэт, публіцыст, выдавец. Забіты ў 1943-м.