“Ёсць нагода для карагода!” – набор стыкераў ад “Будзьма!”

Па ўсім свеце назіраецца сапраўдны стыкерны бум! Дзе іх толькі цяпер не сустрэнеш: на стадыёнах, у трэнажорных залах, у барах, клубах і шмат дзе яшчэ. Натуральна, што “Будзьма!” не засталася ўбаку: пабачыў свет набор з 29 яскравых стыкераў, які будзе цікавы не толькі дзецям, але і дарослым! І гэта толькі пачатак!

У першым выпуску – тэматычныя стыкеры да творчасці нашых класікаў Яна Баршчэўскага, Янкі Маўра, Максіма Гарэцкага і Вінцэнта Дуніна-Марцінкевіча, а таксама налепкі, прысвечаныя нашаму “Буквару”, які сёлета адзначыў сваё 400-годзе. Кожны ліст са стыкерамі аздоблены кароткім інфарматыўным апісаннем.

Яскравыя і адметныя, гэтыя стыкеры ўпрыгожаць вашыя планшэты, камп’ютары, ноўтбукі ды іншыя прылады. Шукайце нашыя налепкі ў наступных крамах:

  • “Акадэмкніга” (пр-т Незалежнасці, 72)

  • “Цэнтральная кнігарня” (пр-т Незалежнасці, 19)

  • “Мой модны кут” (пр-т Незалежнасці, 58 ГЦ “Маскоўска-Венскі” пав. 333)

  • “Светач” (пр-т Пераможцаў, 11)

  • “Веды” (вул. К. Маркса, 36)

  • “Кнігарня пісьменніка” (вул. Казлова, 2)

  • інтэрнэт-крама Knihi.by.

А ў краме symbal.by пры замове можна бясплатна атрымаць 1 набор налепак да 100-годдзя БНР!

Пра новыя пункты продажу ў сталіцы і абласных цэнтрах паведамім дадаткова.
Таксама неўзабаве найлепшыя са стыкераў з’явяцца ў Тэлеграме!


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение