Каляровая беларускамоўная чытанка для маленькіх ужо ў кнігарнях Мінска

Навагоднія святы прайшлі, але ніколі не пройдзе жаданне радаваць дзетак. “Чытанка для маленькіх” з’явілася ў кнігарнях Мінска і інтэрнэт-крамах. Яна выйшла ў выдавецтве “Кнігазбор” на замову МГА “ЗБС “Бацькаўшчына” і стала працягам серыі Саюза беларускіх пісьменнікаў “Каляровы ровар”.

У “Чытанцы” сабраныя як народныя, так і аўтарскія вершы і казкі, калыханкі і гульнёвыя прыпеўкі для дзетак да трох гадоў. Укладальнікі кнігі - вядомыя знаўцы беларускай мовы Вінцук Вячорка і Пётра Садоўскі.

Мастачка Святлана Канькова-Дударэнка адмыслова да гэтага выдання зрабіла ілюстрацыі – яскравыя, разнастайныя, душэўныя. Яе малюнкі прыйдуцца даспадобы маленькім чытачам, так што кнігу захочацца гартаць зноў і зноў! Але не трэба хвалявацца, што дзеткі “зачытаюць кніжку ўшчэнт”: чытанка выдадзеная на шчыльнай крэйдавай паперы і мае цвёрдую вокладку.

Гэтае выданне, якое прыемна чытаць, разглядаць і нават проста трымаць у руках, будзе выдатным падарункам маленькім дзеткам ды іх бацькам.

“Чытанку для маленькіх” ужо можна набыць у наступных кнігарнях Мінска:

“Акадэмкніга”, пр-т Незалежнасці, 72

“Кнігарня Ў”, пр-т Незалежнасці, 37А

“Кніжны салон”, вул. Калініна, 5

“Кнігарня пісьменніка”, вул. Казлова, 2

“Веды”, вул. К.Маркса, 36

“Светач”, пр-т Пераможцаў, 11

“Цэнтральны кніжны”, пр-т Незалежнасці, 19

“Кнігі & кніжачкі”, пр-т Незалежнасці, 14

Кніжная выстава-кірмаш “Мир книг”, вул. Янкі Купалы, 27

Таксама чытанку можна замовіць у інтэрнат-крамах knihi.by і prastora.by.

Інфармацыйны цэнтр МГА "ЗБС "Бацькаўшчына"


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение