Шаноўны спадар Ян Чыквін! Шаноўныя сябры літаратурнага аб’яднання “Белавежа”!

Сардэчна віншуем вас з 55-гадовым юбілеем!  Вы зрабілі вялізарны ўнёсак у культурную, у літаратурную спадчыну Беларусі! Плён вашай доўгатэрміновай дзейнасці - публікацыі некалькіх сотняў  аўтараў, выданне вялікай колькасці кніг па-беларуску. Спадзяемся, што ў Беларусі надыйдзе той час, калі дзейнасць вашага аб’яднання будзе належна ацэнена, а творы сяброў  “Белавежы”   будуць вывучацца ў школьнай праграме. Дзякуй вам за тое, што вы робіце дзеля паглыблення нацыянальнай ідэнтычнасці беларусаў, дзеля таго, каб гучала беларускае Слова, каб беларусы Польшчы адчувалі свае духоўную еднасць з Радзімай.

Управа МГА “ЗБС “Бацькаўшчына” і сакратарыят ГА “Саюз беларускіх пісьменнікаў ад шчырага сэрца віншуюць вас з такім цудоўным юбілеем! Жадаем “Белавежы” яшчэ многіх і многіх гадоў дзейнасці, а ўсім яе сябрам - творчых поспехаў, нязгаснага натхнення і аптымізму!

Жыве беларускае Слова! Жыве Беларусь!

Управа МГА “ЗБС “Бацькаўшчына”

Сакратарыят ГА “Саюз беларускіх пісьменнікаў”