Памёр беларускі філосаф Уладзімір Конан

У ноч з 5 на 6 чэрвеня памёр вядомы беларускі філосаф, літаратуразнаўца Уладзімір Конан. Ён доўгі час быў сябрам Вялікай Рады Згуртавання беларусаў свету “Бацькаўшчына”.
У ноч з 5 на 6 чэрвеня памёр вядомы беларускі філосаф, літаратуразнаўца Уладзімір Конан. Ён доўгі час быў сябрам Вялікай Рады Згуртавання беларусаў свету “Бацькаўшчына”.

Уладзімір Конан нарадзіўся 23 красавіка  1934 г. у вёсцы Вераскава Наваградскага раёна Гарадзенскай вобласці ў сялянскай сям'і. Скончыў гістарычны факультэт БДУ (1959), з 1962 года працаваў у Інстытуце філасофіі і права АН Беларусі. Доктар філасофскіх навук па спецыяльнасці эстэтыка, з 1991 года загадчык аддзела гісторыі і тэорыі культуры Нацыянальнага навукова-асветніцкага цэнтра імя Францішка Скарыны. Даследаваў пытанні гісторыі філасофіі, а таксама гісторыі і тэорыі эстэтыкі і літаратуразнаўства Беларусі, з’яўляецца аўтарам шматлікіх кніг і артыкулаў, лаўрэатам Дзяржаўнай прэміі БССР (1984) за цыкл калектыўных даследаванняў па гісторыі філасофіі і грамадскай думкі Беларусі.

Управа МГА “ЗБС “Бацькаўшчына” выказвае шчырыя спачуванні родным і сябрам Уладзіміра Конана ў сувязі з цяжкай стратай. Рай светлы яго душы!

Грамадзянская паніхіда пройдзе ў сераду ў 10.00 у інстытуце філасофіі (Сурганава, 1, кор.2), царкоўная -- у 11.30 у Петрапаўлаўскім саборы на Нямізе.

Управа МГА “ЗБС “Бацькаўшчына”


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение