"Ляпис Трубецкой" выступіць у Вільні

14 траўня Еўрапейскі гуманітарны ўніверсітэт і Згуртаванне беларусау свету  "Бацькаўшчына" прадстаўляюць канцэрт культавага беларускага гурта “Ляпис Трубецкой” у Вільні.
дата: 14-05-2011,
месца: Вільня,
адрас: "Propaganda". V. M. Putino g. 5
(побач з офісам ЕГУ)
пачатак: 19.00

14 траўня Еўрапейскі гуманітарны ўніверсітэт і Згуртаванне беларусау свету  "Бацькаўшчына" прадстаўляюць канцэрт культавага беларускага гурта “Ляпис Трубецкой” у Вільні.

“Ляпис Трубецкой” прадставіць публіцы прэзентацыю новага альбома “Весёлые картинки”, а таксама лепшыя песні за апошнія гады.

Гурт “Ляпис Трубецкой” вядомы сваёй нестандартнай творчасцю і яскравымі выступамі, якія рэгулярна збіраюць вялікую колькасць аматараў музычных феерый. За 20-гадовую гісторыю калектыў выпусціў шмат музычных альбомаў зрабіўся лаўрэатам разнастайных прэмій: RAMP, «Рок-каранацыя», ZD Awards, «Чартова Дюжина».

Канцэрт адбудзецца пры падтрымцы Еўрапейскага гуманітарнага ўніверсітэта, Згуртавання беларусаў свету “Бацькаўшчына”, грамадска-культурніцкай кампаніі “Будзьма беларусамі” і “Belarus Watch”.

14 траўня ў віленскім клубе "Propaganda" (V. M. Putino g. 5). Пачатак у 19:00.

Еўрапейскі гуманітарны ўніверсітэт – гэта беларускі ўніверсітэт, які адчыніўся ў Мінску ў 1992 годзе і аднавіў працу ў Вільні (Літва) ў 2005 годзе. На цяперашні момант ва ўніверсітэце на дзённых і завочных праграмах навучаюцца больш за 2000 студэнтаў, большасць з якіх беларусы, якія атрымліваюць якасную сучасную гуманітарную адукацыю па найбольш запатрабаваных на еўрапейскім рынку працы спецыяльнасцях.

Галоўная мэта грамадскай культурніцкай кампаніі “Будзьма беларусамі!” — дэманстрацыя беларускай культуры як сучаснага культурнага прадукту еўрапейскага ўзроўню. Кампанія актыўна папулярызуе веды пра гісторыю Беларусі і спрыяе пашырэнню ўжывання беларускай мовы. Дасягненне сваіх мэтаў кампанія бачыць праз рэалізацыю культурніцкіх, асветніцкіх, адукацыйных ініцыятываў, падтрымку культурніцкіх трэндаў, скіраваных на развіццё беларускай нацыянальнай самаідэнтыфікацыі і на пашырэнне ўплыву беларускай культуры ў свеце.

Асацыяцыя "Belarus Watch" адкрыта выступае супраць ізаляцыі Беларусі і адмену візавых абмежаванняў паміж ЕС і Беларуссю ў рамках грамадскай кампаніі "БЕЗ ВІЗЫ!", актыўна падтрымлівае міжкультурны і міжчалавечы дыялог паміж Беларуссю, Літвой і іншымі краінамі ЕС.

Інфармацыйны цэнтр МГА "ЗБС "Бацькаўшчына"


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение