» » Дыскусійны праект “Жаночы досвед у грамадcтве і літаратуры”. Сустрэча другая -- 19 траўня

Дыскусійны праект “Жаночы досвед у грамадcтве і літаратуры”. Сустрэча другая -- 19 траўня

Дзяліць літаратуру на мужчынскую і жаночую, а не на добрую і благую, смешна. І зусім не смешна, што дасюль знаходзіцца шмат ахвотнікаў гэта рабіць. Тры сустрэчы дыскусійнага праекта “Жаночы досвед у грамадстве і літаратуры” будуюцца вакол зборнікаў жаночай прозы "Жанчыны выходзяць з-пад кантролю" (Кнігарня Наша ніва, 2007) і "Пакахай мяне, калі ласка" (Кнігарня пісьменніка, 2009).

Дыскусійны праект

“Жаночы досвед у грамадcтве і літаратуры”

Сустрэча другая

19 траўня 2010 года – галерэя “Ў” (г. Мінск, пр. Незалежнасці, 37А)

Дзяліць літаратуру на мужчынскую і жаночую, а не на добрую і благую, смешна. І зусім не смешна, што дасюль знаходзіцца шмат ахвотнікаў гэта рабіць.

Тры сустрэчы дыскусійнага праекта “Жаночы досвед у грамадстве і літаратуры” будуюцца вакол зборнікаў жаночай прозы "Жанчыны выходзяць з-пад кантролю" (Кнігарня "Наша Ніва", 2007) і "Пакахай мяне, калі ласка" (Кнігарня пісьменніка, 2009).

У час гэтых сустрэч аўтаркі зборнікаў, чытачы і запрошаныя эксперты высвятляюць, ці ёсць нешта адметнае ў жаночым спосабе пісьма і бачанні свету.

Размаўляем пра тое, чым ёсць сучасная беларуская жаночая проза – далучыцца можа кожны.

Джоан Роўлінг багацее, а мы бульбу лупім!

Аўтаркі зборнікаў жаночай прозы "Жанчыны выходзяць з‑пад кантролю" (Кнігарня Наша ніва, 2007) і "Пакахай мяне, калі ласка" (Кнігарня пісьменніка, 2009) і далёкія ад літаратуры людзі нарэшце застануцца сам-насам ва ўтульных сценах галерэі “Ў”. Інтыму будуць перыядычна замінаць цвярозыя эксперты. Сачыць за тым, каб віраванне жарсцяў не выплеснулася з рондалю ўзаемапавагі, а каша чытацкай цікаўнасці не падгарэла, будуць мадэратары.

Хто гэта піша і хто гэта чытае? ці ёсць нешта адметнае у жаночым спосабе пісьма і бачання свету? Чаму можа навучыць сваіх і чужых дзяцей жанчына, якая стварае літаратуру?

Праграма:

18.45 – правядзенне апытанкі “Якой павінна быць кніга жаночай прозы, каб Вы яе набылі?” (уваход у галерэю)
19.00 – пачатак імпрэзы: прадстаўленне аўтарак, экспертаў, праблемы вечара, стварэнне “Кветкі жаданак”
19.10 – выступы экспертаў.
20.00 – падвядзенне вынікаў апытанкі, каментары; выступы аўтарак.
20.45 – слова рэдактару: беларуская жаночая проза на старонках “Женского журнала”.
20.50 – падвядзенне вынікаў дыскусіі.

Абмежаванні выступаў экспертаў і аўтарак:

  • Выступ цягнецца не даўжэй за 3 хвіліны;
  • Абраза гонару і годнасці прысутных і непрысутных асоб не дазваляецца;
  • Мадэратары спыняюць або падтрымліваюць дыскусію на свой одум.

Арганізатары:

  • Творчая прастора BYBOOKS;
  • МГА "Згуртаванне беларусаў свету "Бацькаўшчына";
  • ГА "Саюз беларускіх пісьменнікаў";
  • Выдавецкая серыя "Кнігарня "Наша Ніва"

Мадэратары:

Анатоль Івашчанка – аўтар кнігі паэзіі “Вершniсk”, літаратуразнаўчай манаграфіі “Паэтыка Алеся Разанава: між медытацыяй і рацыяй”;
Маргарыта Аляшкевіч – журналіст, літаратар, літаратурны крытык.
…………………………….

Мэты праекта:

Выявіць стэрэатыпы пра літаратуру, створаную жанчынамі, пазбавіцца іх;

Паспрыяць развіццю крэатыўнага мыслення, фарміраванню навыкаў публічнага абмеркавання мастацкіх тэкстаў;

Падтрымаць свабоду самавыяўлення як неад’емную частку ажыццяўлення правоў чалавека;

Стварыць асяродак зносін для творчай моладзі;

Папулярызаваць сучасную беларускую літаратуру сярод незаангажаванай публікі;

Наладзіць дыялог паміж аўтарамі і чытачамі, знайсці новыя шляхі данясення якаснага мастацкага тэксту да масавага чытача.

 

Кіраўнік праекта:

Аляксандра Дынько, каардынатар творчай прасторы BYBOOKS
Кантакт:
+375 29 872 26 35
+375 44 754 58 91
alaksandradynko@gmail.com

Пра тое, як прайшла першая дыскусія праекта "Жаночы досвед у грамадстве і літаратуры", чытайце тут.