Дыскусійны праект “Жаночы досвед у грамадcтве і літаратуры”

Творчая прастора BYBOOKS, МГА “Згуртаванне беларусаў свету “Бацькаўшчына”, ГА "Саюз беларускіх пісьменнікаў", выдавецкая серыя “Кнігарня “Наша Ніва”  прадстаўляюць дыскусійны праект “Жаночы досвед у грамадcтве і літаратуры”.
Творчая прастора BYBOOKS, МГА “Згуртаванне беларусаў свету “Бацькаўшчына”
ГА "Саюз беларускіх пісьменнікаў", выдавецкая серыя “Кнігарня “Наша Ніва”

прадстаўляюць дыскусійны праект

“Жаночы досвед у грамадcтве і літаратуры”

“Жанчыны выходзяць з-пад кантролю” (Кнігарня Наша ніва, 2007) і

“Пакахай мяне, калі ласка” (Кнігарня пісьменніка, 2009) – два зборнікі жаночай прозы, падрыхтаваныя незалежнымі выдавецкімі ініцыятывамі.

Што будзем рабіць:

Збіраемся тройчы ў кнігарніЎгалерэі (пр. Незалежнасці, 37А) і размаўляем пра тое, ЧЫМ ЁСЦЬ  СУЧАСНАЯ БЕЛАРУСКАЯ ЖАНОЧАЯ ПРОЗА.

Заўсёды з намі – таленавітыя аўтаркі, удзячныя чытачы, цвярозыя крытыкі і тыя, хто хоча ведаць, чаму можа навучыць сваіх і чужых дзяцей жанчына, якая стварае літаратуру.

Як гэта будзе адбывацца:

Першая дыскусія праходзіць сярод літаратурных крытыкаў і літаратуразнаўцаў. Гаворым пра асаблівасці жаночага пісьма як такога і беларускага ў прыватнасці.

Мадэратары: Вольга Гапеева і Ірына Герасімовіч
Дыскусанты: Барыс Пятровіч, Ірына Саламаціна, Святлана Калядка, Ігар Бабкоў

У другой дыскусіі ўдзельнічаюць актывісткі жаночых рухаў і самотныя змагаркі за правы жанчын. Адказваем на пытанне: ці мяняе гэтая літаратура сучасную беларускую жанчыну, а калі мяняе, то ў які бок. Мадэратары: Аляксандра Дынько і Яўгенія Іванова

На трэцюю дыскусію прыйдуць студэнты-інжэнеры, -псіхолагі і медыкі. Гаворым пра тое,  ці цікава гэта ўсё чытаць, і як інтарэс да такой літаратуры залежыць ад прафесіі. Мадэратар: Анатоль Івашчанка

Навошта ўсё гэта трэба:

Каб зразумець, хто гэта піша і хто гэта чытае. Каб даведацца, ці ёсць нешта адметнае у жаночым спосабе пісьма і бачання свету. Каб звесці разам жывых жанчынаў і літаратурных герояў. Каб сустрэцца і сказаць адзін аднаму прыемныя і важныя словы.

Гэта адкрытыя дыскусіі -- ПРЫЙДЗІ І СКАЖЫ СВАЁ СЛОВА!

***

8 красавіка адбылася дыскусія першая: “KinderKüche Kirche Knihi

Гаворылі пра асаблівасці жаночага пісьма як такога і беларускага ў прыватнасці на падставе двух зборнікаў жаночай прозы -- “Жанчыны выходзяць з-пад кантролю” (Кнігарня Наша ніва, 2007) і “Пакахай мяне, калі ласка” (Кнігарня пісьменніка, 2009).

Дыскусію мадэравалі літаратаркі Вольга Гапеева і Ірына Герасімовіч, а ў якасці дыскутантаў выступілі Барыс Пятровіч, Ірына Саламаціна, Святлана Калядка, Ігар Бабкоў.

Падрабязней пра тое, як прайшла першая дыскусія, чытайце тут.

Месца правядзення дыскусій – кнігарняЎгалерэі (Мінск, пр.Незалежнасці, 37А)

Кіраўнік праекта:
Аляксандра Дынько,
каардынатар творчай прасторы BYBOOKS

Кантакт:

+375 29 872 26 35
+375 44 754 58 91
skype: alaksandra.dynko

Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение