Зацверджана праграма святкавання 100-гадовага юбілею Барыса Кіта

Другое пасяджэнне аргкамітэту па святкаванні 100-гадовага юбілею Барыса Кіта, у склад якога ў ваходзіць і кіраўніцтва МГА “Згуртаванне беларусаў свету “Бацькаўшчына”, адбылося ў Мінску 25 лютага.

На пасяджэнні быў зацверджаны план мерапрыемстваў, якія пройдуць у межах святкавання юбілея славутага вучонага.

Паводле плану, асноўным мерапрыемствам будзе святочная вечарына ў дзень нараджэння Барыса Кіта -- 6 красавіка, якая мае адбыцца ў Палацы мастацтваў у Мінску. Арганізатарам  гэтай вечарыны будзе Згуртаванне беларусаў свету “Бацькаўшчына”.  На мерапрыемства будуць запрошаны прадстаўнікі айчыннай навукі і культуры, уладаў краіны, паслы шэрагу дыпмісій.

Падчас вечарыны будзе зачытана вітанне ад юбіляра. Зробіць гэта давераная асоба Барыса Кіта, яго “амбасадар у Беларусі”, як ён сам яе называе, -- Лідзія Савік.

На вечарыне будзе дзейнічаць выстава кніг і дакументаў, прысвечаных юбіляру.

Вядуцца перамовы з Нацыянальнай акадэміяй навук Беларусі аб узнагароджванні Барыса Кіта юбілейным медалём  “80 гадоў НАН Беларусі”, а таксама з Міжнароднай акадэміяй навук Еўразіі аб узнагароджванні юбіляра Залатым медалём гэтай установы.  У выпадку паспяховага вырашэння гэтых пытанняў медалі будуць перададзены Барысу Кіту праз яго давераную асобу Лідзію Савік падчас святочнай вечарыны 6 красавіка.

Акрамя таго, запланавана выданне каталога персанальнага архіва Барыса Кіта з фондаў Навагрудскага гісторыка-краязнаўчага музея, правядзенне чэмпіянату інтэлектуальных гульняў у Навагрудку, прысвечанага юбілею знакамітага вучонага, правядзенне лекцый-прэзентацый у школах Навагрудка “Барыс Кіт – слава і гонар Навагрудчыны”,  вечарыны ў Карэліцкім музеі “Зямля і людзі” з выставай, прысвечанай юбіляру, наведванне Барыса Кіта прадстаўнікамі афіцыйных стуктур Беларусі, выступленні ў друку з артыкуламі, прысвечанымі 100-годдзю Барыса Кіта.

Інфармацыйны цэнтр МГА “ЗБС “Бацькаўшчына”


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение