8 верасня - Дзень беларускай вайсковай славы

Сёння адзначаецца Дзень беларускай вайсковай славы. У гэты дзень у  1514 годзе адбылася Аршанская бітва, у якой войска Вялікага Княства перамагло утрая большую  па колькасці армію Маскоўскай дзяржавы.

30-тысячнае войска ВКЛ пад камандаваннем гетмана Канстанціна Астрожскага атрымала перамогу над 80-тысячным маскоўскім войскам. У гэтай бітве гетман Астрожскі ўпершыню ў вайсковай гісторыі выкарыстаў артылерыйскі залп з засады па варожых войсках. Штогод пад Оршай на гістарычным месцы Аршанскай бітвы 1514 года — левым беразе Дняпра, адбываецца фэст «Аршанская бітва», у якім прымаюць удзел вядомыя беларускія  пісьменнікі, мастакі, барды, рыцарскія клубы.

МГА "ЗБС "Бацькаўшчына"  віншуе ўсіх беларусаў з Днём беларускай вайсковай славы і зычыць у любых  абставінах заставацца мужнымі і стойкімі, захоўваць веру ў будучыню, любіць сваю Радзіму!

Управа МГА "ЗБС "Бацькаўшчына"


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение