Фатограф найбуйнейшага ў Беларусі інтэрнэт-парталу TUT.BY Вадзім Заміроўскі апавядае пра сваю працу. Яго збівалі сілавікі, ён сядзеў на Акрэсціна і ў Баранавічах, але працягваў здымаць, каб увесь свет бачыў: якая яна, Беларусь у 21-м стагоддзі…

Паводле дадзеных Беларускай асацыяцыі журналістаў (БАЖ), у 2020 г. рэпартэраў затрымлівалі больш за 480 разоў, у 62 выпадках яны зазналі фізічны гвалт. На момант публікацыі відэа, паводле БАЖ, за кратамі знаходзяцца 34 журналісты. 15 чалавек затрыманыя па справе "ТУТ БАЙ МЕДЫЯ", партал заблакаваны. "Рэпартэры без межаў" называюць Беларусь самой небяспечнай краінай у Еўропе для працы журналістаў.