Сакратарыят «Таварыства беларускай мовы імя Францішка Скарыны» апублікаваў зварот да беларускіх дактароў.
Публікуем тэкст звароту.
«Паважаныя супрацоўнікі медыцынскай сферы Беларусі!
ГА "Таварыства беларускай мовы імя Францішка Скарыны" выказвае шчырую падзяку за вашу штодзённую дзейнасць падчас пандэміі, аб’яўленай Сусветнай арганізацыяй здароўя ў сувязі з распаўсюдам каронавіруса.
Мы ўдзячныя вам за тое, што вы, рызыкуючы сваім здароўем, штодня без мітусні і панікі робіце ўсё, што ў вашых сілах, каб абараніць наш народ ад страшнай хваробы. Вы праяўляеце лепшыя якасці, уласцівыя беларускай нацыі: адказнасць, прафесіяналізм, самаахвярнасць, спагадлівасць і дабрыню.
Дзякуй вам за вашу працу! Будзьце здаровымі!
Беражыце сябе!
Сакратарыят ТБМ»
Паводле novychas.by
