![](/upload/iblock/f40/f401ee2daac13267a3f358dd599d2adc.jpg)
Пераможцы Прэміі Цёткі былі абвешчаныя 16 кастрычніка падчас фестывалю інтэлектуальнай кнігі “Прадмова”.
Сёлета ў намінацыі “Найлепшае мастацкае афармленне” прэмію атрымала Вераніка Шпак за аздабленне казачнай аповесці Генадзя Аўласенкі “Як зубраня “Зубраня” наведала”, а ў намінацыі “Найлепшая кніга для дзяцей і падлеткаў” — Зараслава Камінская за кнігу “Калядны стол”.
Пераможцы кожнай намінацыі атрымалі ад фонду “Вяртанне” грашовую ўзнагароду, эквівалентную 2000$.
Анімаваны ролік-абвяшчэнне вынікаў можна паглядзець на Youtube.
У доўгі спіс мастацкай намінацыі ўваходзіла 19 кніг. Сябры журы Кацярына Дубовік, Васіліса Паляніна і Валерый Славук выбіралі пераможцу з гэтага кароткага спісу:
- Дар’я Барышнікава, Лілія Бусарава, Ксенія Гуніна-Авербург, Алеся Жыткевіч, Ганна Каралёва, Ілона Касабука, Алена Немік, Маша Петухоўская, Леся Пчолка, Таццяна Радзівілка, Дар’я Сазановіч, Антаніна Слабодчыкава, Кацярына і Марыйка Сумаравы, Марта Шматава, Кацярына Шутко — Ірына Саламаціна, Наталля Кухарчык. Яна была / Галіяфы
- Дар’я Ганчарык-Чарняўская, Алена Карабань — З рога ўсяго многа / Мастацкая літаратура
- Марыя Міцкевіч — Таццяна Дамаронак. Вясёлка над лесам / Звязда
- Кацярына Першына — Алена Стэльмах. Павучок Славік / Мастацкая літаратура
- Марыя Станкевіч — Анатоль Зэкаў. Варыла вячэру варона / Мастацкая літаратура
- Вераніка Шпак — Генадзь Аўласенка. Як зубраня “Зубраня” наведала / Мастацкая літаратура
Доўгі спіс літаратурнай намінацыі складаўся з 27 кніг. Журы, у якое ўваходзілі Вера Бурлак, Андрэй Жвалеўскі, Людміла Рублеўская, Андрэй Хадановіч і Ганна Янкута, вызначылі наступную шасцёрку найлепшых кніг:
- Аліна Длатоўская. Арнаменты / Янушкевіч
- Лілія Ільюшына. Ключ дарог. Пачатак / Галіяфы
- Сяргей Календа. Балтыйскія шкарпэткі / Логвінаў
- Зараслава Камінская. Калядны стол. Некулінарная кніга / Галіяфы
- Яраш Малішэўскі, Аксана Спрынчан. Малочны кактэйль для Вужынага Караля, альбо Калякамп’ютарная казка / Мастацкая літаратура
- Кацярына Хадасевіч-Лісавая. Ключ ад Вялікай Каштоўнасці / Звязда
Сёлета Прэмія Цёткі таксама займела стыкерпакі для месенджараў. Усталяваць стыкеры для Telegram можна па гэтай спасылцы, а для Viber — па гэтай. Вобразы намалявала адна з лаўрэатак прэміі — Лізавета Лянкевіч.
Віншуем пераможцаў!