14 студзеня на сайце нарвежскага саюза пісьменнікаў з'явілася заява аб салідарнасці з Беларуссю.

У ёй гаворыцца:

Сёння сотні тысяч адважных беларусаў на працягу 159 дзён пратэставалі супраць дыктатуры.

Яны кінулі выклік жорсткім рэпрэсіям Лукашэнкі. Шмат хто быў збіты, пасаджаны ў турму, хтосьці страціў жыццё. Усё для таго, каб ажыццявіць мару аб свабоднай Беларусі. Нарвежская асацыяцыя аўтараў, нарвежскі PEN і Нарвежскі Хельсінкскі камітэт папрасілі беларускіх паэтаў прачытаць іх вершы. Вершы, якімі можна падзяліцца ў знак салідарнасці з усімі змагарамі за свабоду ў Беларусі. Мы з вамі.

budzma.by паводле „Den norske Forfatterforeningen“