Альбом “Будзьма! Тузін. Перазагрузка-2” ужо ў сеціве!

Кампанія “Будзьма беларусамі!” і музычны парталТузін Гітоў” прадстаўляюць праект “Будзьма! Тузін.Перазагрузка-2”. Спампаваць альбом цалкам можна на сайце budzma.org.

Кампанія “Будзьма беларусамі!” і музычны партал “Тузін Гітоў” прадстаўляюць праект “Будзьма! Тузін.Перазагрузка-2”. “Перазагрузка-2” – працяг паспяховага праекту, распачатага ў 2009 годзе. Два гады таму вядомыя небеларускамоўныя выканаўцы з Беларусі пераспявалі свае хіты на роднай мове. Да ўдзелу ў другой частцы былі запрошаны  замежныя выканаўцы розных стыляў, кожны з якіх сам вызначыў, які са сваіх хітоў пераасэнсуе на беларускай мове.

Удзельнікамі складанкі “Будзьма! Тузін.Перазагрузка-2” сталі “Воплі Відоплясова”, Oleg Jagger,  “Мумий Тролль”, Dreamgale,  5diez, Макс Лорэнс,  Марыя Тарасевіч, Аляксандар Рыбак,  Смысловые галлюцинации, Leon Gurvitch Project, Zdob si Zdub і Алена Свірыдава.

Значны ўнёсак у праект зрабіў і кожны з не менш зорнага складу перакладчыкаў. Алесь Камоцкі, Сяргей Балахонаў , Глеб Лабадзенка, Уладзь Лянкевіч і Андрэй Хадановіч сталі надзейнымі праваднікамі музыкаў у свет беларускай мовы.

Ва ўрачыстай прэзентацыі праекту ўзялі ўдзел арганізатары праекту і Алег Скрыпка, вакаліст гурта “Воплі Відоплясова". Спецыяльным падарункам гасцям стала этна-дыскатэка ад лідара гурта «Воплі Відаплясава», які выступіў з адмысловым ді-джэйскім сэтам

Спампаваць альбом цалкам можна з сайта кампаніі “Будзьма беларусамі!”. Прагаласаваць за песні – у хіт-парадзе парталу “Тузін Гітоў”.

budzma.org


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение