Кампанія Ford заахвоціць веданне беларускай мовы бясплатным палівам. Еўрапейскі вытворца аўтамабіляў і «Новае радыё» Мінск 98.4 FM анансавалі сумесны праект, які запатрабуе ад слухачоў ведаў роднай мовы. Шчаслівы кіроўца, які правільна адкажа на каверзныя пытанні пра родную мову, атрымае ў падарунак 35 літраў любога паліва.
За пяць хвілін, якія адведзены для праекта "Добры Форд» у штодзённым эфіры (з 17.45 да 17.50) слухачам прапануюць правільна адказаць на спецыяльныя пытанні. Усе яны сфармуляваныя на беларускай мове і запатрабуюць ад удзельніка пэўнай долі ўвагі. Пераможца, які першым адкажа на пытанне ў эфіры, атрымае 35 літраў аўтамабільнага паліва на выбар. Прызавы аб'ём паліва будзе разыгрывацца на хвалях «Новага радыё» 98.4 FM у буднія дні з 22 чэрвеня па 12 ліпеня гэтага года. «Падтрымліваючы праект, кампанія Ford і аўтацэнтр “Атлант М Баравая” Ford маюць намер не проста прыцягнуць увагу да сваіх прадуктаў і афіцыйнага сэрвісу, але і працягнуць рэалізацыю ініцыятывы па падтрымцы беларускай мовы. Наша задача не толькі зрабіцца бліжэй да людзей, але і іх саміх наблізіць да той краіне, у якой яны жывуць. Гэта сур'ёзная задача, якая адпавядае доўгатэрміновым інтарэсам Ford у Беларусі. Пакуль мы робім першыя крокі - білборды, слоганы, рэкламныя ролікі на радыё, якія, дарэчы, таксама загучаць на беларускай мове. Але мы гатовыя пашыраць прымяненне беларускай мовы і далей », – адзначыў кіраўнік аддзела маркетынгу кампаніі “Атлант М Вест” (афіцыйны імпарцёр Ford у Беларусі) Сяргей Скляраў. Пры гэтым ён адзначыў, што ратацыя на радыё рэкламных ролікаў Ford на беларускай мове пачнецца адначасова са стартам праекту «Добры Форд». «Мы гатовыя бясплатна заправіць беларусаў. Галоўнае, каб яны любілі сваю краіну, сваю мову і якасны сэрвіс Ford », - сказаў Сяргей Скляраў.
