Neuro Dubel: "У Беларусі наклалі забарону на прафэсію"

Арганізатар рок-канцэртаў Павал Кашырын і лідэр Neuro Dubel Аляксандар Кульлінковіч выступілі праз «Тузін Гітоў» з сумеснай заявай у сувязі з забаронай на беларускую рок-музыку і патлумачылі, чаму гурт вырашыў не праводзіць падпольную ці паўпадпольную імпрэзу.

Арганізатар рок-канцэртаў Павал Кашырын і лідэр Neuro Dubel Аляксандар Кульлінковіч выступілі праз «Тузін Гітоў» з сумеснай заявай у сувязі з забаронай на беларускую рок-музыку і патлумачылі, чаму гурт вырашыў не праводзіць падпольную ці паўпадпольную імпрэзу. «Хацелася ў адкрытую зрабіць музычнае сьвята. Калі дакладна стала вядома, што такой магчымасьці няма, мы палічылі патрэбным не праводзіць імпрэзу ў іншым фармаце».

У наш дом зноў прыйшла бяда. Тыдзень таму была накладзена забарона на правядзеньне канцэрту Neuro Dubel, што мусіў адбыцца 24 сакавіка. Усе прычыны яго адмены, якія вам будуць называць, як то дрэнны продаж квіткоў ці праблемы з дахам, не адпавядаюць рэчаіснасьці. Мы канстатуем, што ізноў вярнуліся ў тыя часы, калі існавала забарона на творчасьць рок-гуртоў у Беларусі. Мы ня ведаем аніводнай цывілізаванай краіны, дзе магло бы адбыцца нешта падобнае.Мы мелі дамовы з двума іншымі клюбамі на правядзеньне канцэрту, але вырашылі ўсё ж не рабіць аніякіх падпольных ці паўпадпольных імпрэзаў. Хацелася ў адкрытую зрабіць музычнае сьвята і прэзэнтаваць трыб’ют Neuro Dubel. Калі дакладна стала вядома, што такой магчымасьці няма, мы палічылі патрэбным не праводзіць імпрэзу ў іншым фармаце. Людзі з уладных структураў, зь якімі мы вялі перамовы цягам гэтага тыдня, прасілі нас перачакаць. Колькі чакаць — тыдзень, год, два ці ўсё жыцьцё — невядома. Меркаваньне гэтых людзей такое ж — так не павінна быць, але не яны прымалі рашэньне аб забароне і ня ім яго адмяняць.Нам крыўдна ня толькі за сябе, але і за сяброў і калегаў, якія сутыкнуліся з такой жа сытуацыяй. Яны паклалі ўсё жыцьцё на тое, каб беларуская культура квітнела, а ім не даюць шанца на далейшае існаваньне і магчымасьці канцэртаваць у сваёй жа краіне, фактычна накладаюць забарону на прафэсію. Мы не разумеем чаму так адбываецца і аніякіх тлумачэньняў нам ніхто не дае.Мы апынуліся ў такім становішчы, што нават паскардзіцца на такія ганебныя дзеяньні няма каму. Хацелі бы, каб ва ўсім сьвеце дазналіся пра тое, што ў Беларусі не даюць магчымасьці для выяўленьня лепшым творчым сілам.Просім усіх прыхільнікаў гурта Neuro Dubel, якія набылі квіткі на канцэрт 24 сакавіка, пачакаць — яны будуць дзейснымі, калі забароны будуць зьнятыя. Спадзяемся, што мерапрыемства хутка адбудзецца. Тыя, хто ўсё ж пажадае здаць квіткі, могуць гэта зрабіць з 18:00 да 20:00 24 сакавіка ў клюбе «Рэактар». Мы просім прабачэньня перад прыхільнікамі беларускай рок-музыкі за тое, што ня здолелі парадаваць канцэртам і дзякуем за выказаную падтрымку на свой адрас. Будзем верыць у лепшае і трымацца разам!

Выконваючы абавязкі адміністратара гурта Neuro Dubel, арганізатар і прадусар беларускіх рок-канцэртаў Павал Кашырын;
лідэр гурта Neuro Dubel Аляксандар Кульлінковіч

music.fromby.net


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение