Міністэрства ўнутраных спраў Беларусі пакуль устрымліваецца ад апублікавання дадзеных аб колькасці затрыманых падчас і пасля акцыі пратэсту апазіцыі ў цэнтры Менска ўвечары 19 снежня. Аднак паводле неафіцыйнай інфармацыі з праваахоўных органаў, такіх - сотні. Па звестках праваабаронцаў, затрымана больш як 200 чалавек, але выкладзеныя імі ў інтэрнэце спісы відавочна не поўныя.
Як раней паведамлялася, затрыманыя сем з дзевяці былых альтэрнатыўных кандыдатаў у прэзідэнты: Уладзімір Някляеў, Андрэй Саннікаў, Віталь Рымашэўскі, Мікалай Статкевіч, Алесь Міхалевіч, Зміцер Ус, Рыгор Кастусёў. Іх месцазнаходжанне невядомае. Сярод затрыманых таксама лідэр АГП Анатоль Лябедзька, журналістка Ірына Халіп, каардынатар "Хартыі` 97 "Зьміцер Бандарэнка, старшыня Беларускага Хельсінкскага камітэта Алег Гулак, рэдактар сайта" Хартыя `97" Наталля Радзіна, праваабаронца Валянцін Стэфановіч, дырэктар Свабоднага тэатра Наталля Каляда. Уначы 20 снежня ў эфіры тэлеканала АНТ генеральны пракурор Беларусі Рыгор Васілевіч заявіў, што следства вызначыць адказнасць кожнага вінаватага ў беспарадках у Менску, і ў залежнасці ад гэтага будзе вырашанае пытанне аб прыцягненні іх да адказнасці. Міністр унутраных спраў Анатоль Куляшоў у эфіры Першага нацыянальнага тэлеканала паведаміў аб узбуджэнні ў дачыненні арганізатараў несанкцыянаванай акцыі справы па артыкуле 293 Крымінальнага кодэкса (масавыя беспарадкі). Яе максімальная санкцыя - 15 гадоў пазбаўлення волі. З вялізным абурэннем кіраўнік МУС распавядаў пра больш, чым 30 пацярпелых у сутыкненнях супрацоўніках праваахоўных органаў, пашкоджанні відэакамераў, якія належаць міліцэйскаму ведамству. Колькасць пацярпелых удзельнікаў акцыі невядомая. Больш падрабязна пра затрыманні Па заканчэнні акцыі на плошчы Незалежнасці 19 снежня былі затрыманыя дзесяткі людзей, а таксама кандыдат у прэзідэнты Мікалай Статкевіч, паведаміў БелаПАН кіраўнік ягонага выбарчага штаба Сяргей Марцалеў. Паводле яго слоў, па заканчэнні акцыі Статкевіч сеў у таксі і спрабаваў з'ехаць з плошчы. "Аднак яго таксі было заблакаванае двума машынамі, Статкевіча з таксі вывалаклі, запіхнулі ў адну з машын і павезлі", - паведаміў Марцалеў. Некаторы час штаб кандыдата ў прэзідэнты не ведаў, дзе знаходзіцца Статкевіч. Аднак палітык змог паведаміць, што яго даставілі ў Цэнтр ізаляцыі правапарушальнікаў на вуліцы Акрэсціна. Затрыманы таксама старшыня Беларускага Хельсінкскага камітэту, адзін з кіраўнікоў кампаніі "Праваабаронцы за свабодныя выбары" Алег Гулак, паведамляе spring96.org. Гэта адбылося на перакрыжаванні вуліцы Валадарскага і праспекта Незалежнасці. Гулак паспеў паведаміць, што разам з ім у аўтазаку знаходзіцца цяжарная жанчына, якая ішла з мужам па праспекце. Раней стала вядома, што ДАІ затрымала аўтамабіль, у якім ехалі кандыдат у прэзідэнты Андрэй Саннікаў і яго жонка Ірына Халіп. Як паведаміў БелаПАН журналіст Ілля Кузняцоў, які іх падвозіў, машыну дагнаў аўтамабіль ДАІ з уключанымі мігалкамі. Саннікава, Халіп і сябру каманды кандыдата Леаніда Навіцкага прымусілі выйсці з машыны і пакласці рукі на капот. Пасля гэтага іх павезлі на іншай машыне. Самога Кузняцова і яшчэ аднаго сябра каманды Саннікава вязуць у Цэнтр ізаляцыі правапарушальнікаў на вуліцы Акрэсціна. Па заканчэнні акцыі на плошчы Незалежнасці ў Мінску, вечарам, 19 снежня быў затрыманы кандыдат у прэзідэнты ад Партыі БНФ Рыгор Кастусёў, паведаміў БелаПАН старшыня партыі Аляксей Янукевіч. Паводле яго слоў, падчас разгону акцыі Кастусёў атрымаў некалькі удараў, у тым ліку па галаве. "Мы адышлі да Чырвонага касцёла, пры гэтым Кастусёў казаў, што ў яго кружыцца галава. Мы пасадзілі яго ў машыну, прыпаркаваную непадалёк, і паспрабавалі адвезці дадому да яго аднаму", - сказаў Янукевіч. Аўтамабіль быў спынены і заблакаваны машынай ДАІ і іншай міліцэйскай машынай. "Кастусёва перасадзілі ў другую міліцэйскую машыну і павезлі. Паводле папярэдняй інфармацыі, ён знаходзіцца ва УУС Мінскага раёна", - паведаміў Янукевіч. Кандыдат у прэзідэнты Віталь Рымашэўскі затрыманы ў Менску, паведаміў БелаПАН адказны сакратар аргкамітэта па стварэнні партыі "Беларуская хрысціянская дэмакратыя" (БХД) Дзяніс Садоўскі. Паводле яго слоў, падчас акцыі 19 снежня ў Менску на плошчы Незалежнасці Рымашэўскі атрымаў траўму галавы. "Яго даставілі ў бальніцу хуткай дапамогі, каб аказаць медыцынскую дапамогу. Рымашэўскаму зрабілі перавязку. Калі ён выходзіў з лякарні, на яго накінуліся людзі ў цывільным, у чорнай вопратцы, закінулі ў белы мікрааўтобус і павезлі ў невядомым напрамку", - паведаміў Садоўскі. Паводле яго слоў, затрыманая таксама давераная асоба кандыдата ў прэзідэнты Ірына Губская і яшчэ сем актывістаў БХД з рэгіёнаў. Акрамя таго, адзначыў Садоўскі, затрыманы кіраўнік выбарчага штаба Рымашэўскага Павел Севярынец. "Ён знаходзіцца ва УУС Маскоўскага раёна", - сказаў Садоўскі. Затрыманая намеснік старшыні "Маладога фронту" Наста Палажанка У Менску затрыманая намеснік старшыні "Маладога фронту" (Чэхія) Анастасія Палажанка. Па тэлефоне яна паведаміла БелаПАН, што яе затрымалі людзі, якія прадставіліся супрацоўнікамі Камітэта дзяржаўнай бяспекі. У тры гадзіны ночы 20 снежня ў прыватны дом, дзе яна пражывае з бацькамі, прыйшло прыкладна 15 грамадзян у цывільным. "У нас не такі дом, каб дзверы вытрымала націск такой сілы. Я сказала, што апрануся і выйду сама", - сказала Палажанка. Па словах актывісткі, гэта рашэнне яна прыняла, каб не хваляваць сваіх пажылых бацькоў. Затрыманы лідэр Аб'яднанай грамадзянскай партыі Анатоль Лябедзька У Мінску затрыманы лідэр Аб'яднанай грамадзянскай партыі Анатоль Лябедзька, паведаміла БелаПАН кіраўнік прэс-групы кандыдата ў прэзідэнты ад АГП Яраслава Раманчука Ганна Красулина. Паводле яе слоў, супрацоўнікі міліцыі ўзламалі дзверы ў кватэру Лябедзька."Яны забралі Лябедзька, загрузілі яго ў мікрааўтобус белага колеру і павезлі ў невядомым напрамку", - сказала Красулина. Як раней паведамляў БелаПАН, 20 снежня ноччу ў кватэру Лябедзькі спрабавалі ўламіцца супрацоўнікі міліцыі. Яны трапілі ў тамбур і спрабавалі адкрыць уваходныя дзверы. Лябедзька выклікаў міліцыю, паколькі асобы, якія спрабавалі пракрасціся да яго, не назвалі мэты свайго візіту. Міліцыянты паказалі праз вочка пасведчанні і сказалі, што гэтага дастаткова. Затрыманыя Аляксей Міхалевіч і Зміцер Ус У ноч на 20 снежня затрымана яшчэ два кандыдата ў прэзідэнты - Аляксей Міхалевіч і Зміцер Ус. Такім чынам, з дзевяці кандыдатаў, апанентаў Лукашэнка, на волі засталося двое - Віктар Цярэшчанка і Яраслаў Раманчук. Раней паведамлялася пра затрыманне Віталя Рымашэўскага, Мікалая Статкевіча, Уладзіміра Някляева, Андрэя Саньнікава і Рыгора Кастусёва. Пры гэтым Някляеў быў гвалтоўна вывезены з лякарні.
