Са сцэны свае вершы чыталі браслаўскі паэт Данііл Волчак і госць з Даўгаўпілса паэт Станіслаў Валодзька. Затым выступалі пераможцы раённага дзіцячага конкурса паэтычных твораў Анастасія Радзевіч і Кастусь Іванчык.
Народны ансамбль "На панадворку" (мастацкі кіраўнік Марыя Шынкевіч) выканаў шэраг беларускіх народных песен, а таксама песню браслаўчан кампазітара Альберта Белуся на верш паэтэсы Тэрэзы Крумплеўскай "Мая Браслаўшчына" і песню паэта Уладзіміра Карызны і яго сына кампазітара Уладзіміра Карызны "Браслаўскі край". Вакальнае трыо з Ахрэмаўцаў у саставе Вялянціны Кука, Ванды Сіроткі і Леаніда Лаўрыновіча праспявалі песню "Дранікі" на словы С. Валодзькі кампазітара А. Белуся. У свяце прымала ўдзел галоўны рэдактар часопіса "Алеся" Тамара Бунто. Яна расказала аб часопісе, які ўзначальвае, і прачытала верш, дасланы чытачкай "Алесі".
Гасцям свята была падорана кніга "Браслаўскія зоры", дзе побач з цудоўнымі фотаздымкамі змешчаны паэтычныя радкі Ф. Чэрні, У. Карызны, М. Мятліцкага, А. Мятліцкай, С. Лобач, С. Валодзькі, Т. Крумплеўскай, Д. Волчака, В. Ляснеўскай і А. Крупко.
У фае Дома культуры можна было пазнаёміцца з фотавыставай "Мой край", выставай "Старонкі браслаўскай пісьменнасці", а таксама з кніжнай выставай-кірмашом.
У завяршэнне госці і гаспадары свята наведаліся на Замкавую гару.