Сяргею Каваленку прызначылі псіхіятрычную экспертызу

Учора следчая паведаміла Сяргею Каваленка, што яму прызначаная псіхіятрычная экспертыза, а таксама, што абвінавачванні супраць яго перакваліфікаваныя.

Са слоў спадара Каваленкі, цяпер яго абвінавачваюць у парушэнні ўжо двух артыкулаў Крымінальнага кодэксу: 339 ч. 1 (наўмысныя дзеянні, якія груба парушаюць грамадскі парадак і выказваюць відавочную непавагу да грамадства, якія суправаджаюцца прымяненнем гвалту або пагрозай яго прымянення або знішчэннем або пашкоджаннем чужой маёмасці або адрозніваюцца па сваім змесце выключным цынізмам (хуліганства) — да трох гадоў пазбаўлення волі; 363 (супраціў супрацоўніку органаў унутраных спраў або іншай асобе, якая ахоўвае грамадскі парадак) — гэты артыкул, у залежнасці ад часткі, прадугледжвае максімальнае пакаранне да двух ці да пяці гадоў пазбаўлення волі.

Нагадаем, што крымінальная справа супраць Сяргея Каваленкі ўзбуджаная пасля таго, як ён 7 студзеня вывесіў бел-чырвона-белы сцяг на галоўнай ёлцы Віцебска.

"Народныя навіны Віцебска"


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение