Вучоныя Інстытута гісторыі НАН Беларусі ўчора пачалі даследаванне пляцоўкі будаўніцтва АЭС у Астраўцы на прадмет выяўлення гісторыка-культурных каштоўнасцей. Аб гэтым карэспандэнту БЕЛТА паведаміў загадчык аддзялення археалогіі першабытнага грамадства інстытута Вадзім Лакіза. У мэтах выканання патрабаванняў заканадаўства аб ахове гісторыка-культурных каштоўнасцей дырэкцыя будуемай АЭС заключыла з вучонымі дамову, згодна з якой археолагі павінны даследаваць пляцоўку будаўніцтва на прадмет выяўлення гістарычных артэфактаў. Спецыялісты будуць працаваць у Астраўцы на працягу тыдня, усяго ім трэба будзе даследаваць 400 га. Раней аб археалагічных помніках у квадраце будаўніцтва АЭС нічога не было вядома. Ці так гэта на самой справе, пакажуць вынікі даследаванняў, падкрэсліў вучоны. Акрамя гэтай тэрыторыі, спецыялісты абследуюць зону будаўніцтва аўтадарогі ад вёскі Газа да Астраўца, а таксама месца, дзе будзе праходзіць ветка чыгункі. Вадзім Лакіза адзначыў, што каля месца будаўнічых работ ёсць аб'екты, унесеныя ў спіс культурна-гістарычнай спадчыны, якія хоць і не ўваходзяць у зону ўзвядзення АЭС, але знаходзяцца ў непасрэднай блізкасці. Размова ідзе аб гарадзішчы і паселішчы каля вёскі Гуры і нядаўна адкрытым археалагічным аб'екце каля вёскі Баброўнікі. З мэтай прадухілення пашкоджання помнікаў ужо выдадзены шэраг рэкамендацый будаўнікам, дадаў загадчык аддзялення археалогіі. Таксама ў час гэтай экспедыцыі вучоныя плануюць правесці шурфоўку ў вёсцы Гуры для таго, каб знішчыць культурную і этнічную прыналежнасць людзей, якія насялялі некалі гэту мясцовасць. Да слова, на думку спецыялістаў, цікавых вынікаў можна чакаць ад археалагічных даследаванняў тэрыторыі будаўніцтва новых мікрараёнаў у самім Астраўцы.

"БЕЛТА"