500-годдзе беларускага кнігадрукавання будзе галоўнай тэмай нацыянальнай экспазіцыі ў Празе

Тэма 500-годдзя беларускага кнігадрукавання стане галоўнай у рабоце нацыянальнай экспазіцыі на міжнародным кірмашы "Кніжны свет", што пройдзе з 11 па 14 мая ў Празе (Чэхія). Аб гэтым паведамілі БЕЛТА ў Міністэрстве інфармацыі.

Акрамя дэманстрацыі лепшых кніг, выдадзеных у 2016–2017 гадах, асобнай экспазіцыяй наведвальнікам будуць прадстаўлены выданні, прысвечаныя Францыску Скарыну і знакавай юбілейнай даце. Яны выпушчаны ў дзяржаўных выдавецтвах "Мастацкая літаратура", "Беларуская Энцыклапедыя імя Петруся Броўкі", "Беларусь", Выдавецкі дом "Звязда" і "Народная асвета".

Будуць арганізаваны прэзентацыі асобных кніг, удзел у якіх прымуць Надзвычайны і Паўнамоцны Пасол Беларусі ў Чэхіі Валерый Курдзюкоў і супрацоўнікі пасольства, начальнік упраўлення выдавецкай дзейнасці і кніжнага гандлю Міністэрства інфармацыі Алена Паўлава, кіраўнікі выдавецтваў "Мастацкая літаратура", "Народная асвета", кнігагандлёвай кампаніі ААТ "Белкніга", буйнейшага паліграфічнага прадпрыемства краіны "Паліграфкамбінат імя Якуба Коласа".

Прадстаўнікі беларускай дэлегацыі ўскладуць кветкі да помніка Францыску Скарыну ў Празе і да мемарыяльнай дошкі каля Пражскай ратушы - на месцы, дзе 500 гадоў таму вялікі першадрукар пераклаў Біблію.

Акрамя таго, у дні выстаўкі будуць бязвыплатна перададзены бібліятэчкі беларускіх кніг Чэшска-Беларускай гандлёва-прамысловай палаце і пасольству.

БелТА


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение