Андрэй Кабякоў адкрыў Беларускі культурны цэнтр у Кішынёве

Прэм'ер-міністр Беларусі Андрэй Кабякоў 2 кастрычніка адкрыў Беларускі культурны цэнтр у Кішынёве, перадае карэспандэнт БЕЛТА.

Беларускі культурны цэнтр размясціўся ў цэнтры па продажах керамічнай пліткі, санітарнай керамікі і спадарожных матэрыялаў «Керамін Гранд – Чэраміка», адкрыццё якога адбылося пры ўдзеле Прэзідэнта Беларусі Аляксандра Лукашэнкі ў верасні 2014 года.

Для напаўнення Беларускага культурнага цэнтра выкарыстаныя матэрыялы, перададзеныя Міністэрствам культуры і Міністэрствам інфармацыі Беларусі.

У цяперашні час з улікам святкавання ў 2017 годзе 500-годдзя пачатку беларускага кнігадрукавання прапрацоўваецца пытанне ўстаноўкі бюста Францыска Скарыны ля аднаго з уваходаў у будынак цэнтра «Керамін Гранд – Чэраміка».

«Звязда» паводле БЕЛТА