Беларускія і замежныя праваабарончыя арганізацыі стварылі Міжнародны камітэт па расследаванні катаванняў у Беларусі

Беларускія і замежныя праваабарончыя арганізацыі 20 жніўня стварылі сумесны Міжнародны камітэт па расследаванні катаванняў у Беларусі, учыненых супраць удзельнікаў мірных акцый.

Мы будзем працаваць па адзінай метадалогіі і збіраць інфармацыю ў адзіную базу. Мы ведаем, як цяжка сёньня ахвярам катаванняў і не жадаем, каб людзі падлягалі шматлікім апытанням. Мы хочам сабраць як мага больш фактаў і доказаў і каб вінаватыя былі прыцягнуты да адказнасці.

Камітэт будзе:

  1. Фіксаваць выпадкі катаванняў (ёсць адзіная гугл-форма, але мы хочам па магчымасці апытаць асабіста ўсіх, хто гатовы да гэтага);

  2. Шукаць сведак і сведчанні аб катаваннях;

  3. Ідэнтыфікаваць падазраваных у катаваннях і нялюдскім абыходжанні;

  4. Апрацоўваць атрыманую інфармацыю;

  5. Сумесна з адвакатамі рыхтаваць судовыя позвы і юрыдычнае суправаджэнне людзей, якія былі катаваныя;

  6. Рыхтаваць паведамленні і скаргі ў міжнародныя органы;

  7. Рыхтаваць справаздачу па сабранай інфармацыі, якая будзе прадстаўлена як грамадскасці Беларусі, гэтак і міжнародным арганізацыям і інстытуцыям.

Калі вы хочаце далучыцца да гэтай ініцыятывы, то паведамляйце нам. Мы адкрытыя.

Да Камітэту далучыліся: РОО “Правовая инициатива”, Human Constanta, Цэнтр па прасоўванню правоў жанчын «Её права», Українська Гельсінська спілка з прав людини, Всемирная Организация Против Пыток (ВОПП), грамадскае аб’яднанне "Звено", Белорусский документационный центр, грамадская арганізацыя Truth Hounds, Асоціація українських моніторів дотримання прав людини в діяльності правоохоронних органів, дабрачынная арганізацыя Восток-СОС.

Кантакты: 

belarus.torture@gmail.com

Правовая инициатива:

Тэлефон, Viber, WhatsApp, Telegram, Signal: +375293065423

e-mail: lirngo@gmail.com

Её права:

гар. +375172216633

А1 +375296355662 (Viber)

МТС +375336755662 (Telegram)

e-mail: help@eeprava.by

Human Constanta:

Тэлефон, WhatsApp, Telegram, Signal: +375445623842 

e-mail: legal@humanconstanta.by

„Правовая инициатива“