У канцы студзеня і ў лютым на Беласточчыне як штогод прайшлі конкурсныя агляды самадзейных калектываў ды салістаў у рамках фестывалю беларускай песні, арганізаванага Беларускім грамадска-культурным таварыствам. Такія агляды БГКТ пачало арганізаваць у 1970 г. У палове 1990-х для павышэння іх рангу былі яны пераназваны фестывалем. У гэтым годзе быў гэта ўжо XXVI Агульнапольскі фестываль „Беларуская песня – 2019” (такі ёсць поўны назоў, хаця слова „агульнапольскі” не адлюстроўвае яго характару, паколькі амаль усе ўдзельнікі з Беласточчыны).
«Лаіланд» з Грабоўкі пад Беластокам – здаўна штогадовы ўдзельнік фестывалю
У гэтым годзе песенныя павятовыя агляды прайшлі спярша ў Сямятычах і Дуброве-Беластоцкай, а пасля ў Гайнаўцы, Орлі (у новым будынку мясцовага дому культуры) і ў Беластоку. 24 лютага ў беластоцкай філармоніі адбыўся цэнтральны агляд, у час якога выступіла 70 калектываў і салістаў. Лаўрэаты – пераважна першых месцаў у сваіх катэгорыях – прынялі ўдзел у гала-канцэрце ў Падляшскай оперы і філармоніі ў Беластоку.
Зацікаўленне фестывалем БГКТ не меншае так выканаўцаў як і сярод гледачоў, хаця ў папярэдніх гадах удзельнікаў бывала больш. Не мяняецца візуальны характар фестывалю, яго сціплая – на конкурсных аглядах – сцэнаграфія ды сам просты сцэнар. Але як тлумачыць гэта намеснік БГКТ Васіль Сегень, таварыства ні мае ні столькі грошай, ні людзей, каб арганізаваць штосьці большае. Падкрэслівае, што бюро фестывалю гэта ўсяго некалькі асоб, якія і так выконваюць аграмадную працу. Бюджэт таксама адносна невялікі. Складаецца на яго датацыя Міністэрства ўнутраных спраў і адміністрацыі ды меншыя ад маршалка ваяводства і прэзідэнта Беластока.
Мерапрыемства, зразумела, не мае ўжо аўтэнтычна-натуральгага характару. Жывая фальклорная песня амаль цалкам выпала са сцэны, паколькі жывыя яе носьбіты проста вымерлі або выміраюць. Песенны рэпертуар пераважна нетутэйшы, „імпартаваны” з-за ўсходняй мяжы. Ёсць, аднак, цікавыя спробы новай аранжыроўкі, а нават можна пачуць песні на словы аўтараў з Беласточчыны, не толькі з Беларусі. У тым ліку нашых паэтаў – „белавежцаў”. Гэта радуе, таксама як прысутнасць на сцэне маладых выканаўцаў, нават ліцэістаў і студэнтаў. Гэта найлепшы доказ, што беларуская песня на Беласточчыне гучаць будзе яшчэ доўга. Не памрэ.
У фестывалю заўсёды ўдзельнічаюць дзяўчаты з Бельска і Гайнаўкі
Вынікі ХVI Фестывалю беларуская песня ‘2019
Да цэнтральнага фестывалю пасля раённых аглядаў у Гайнаўцы, Бельску-Падляшскім, Беластоку, Сямятычах і ў Дуброве-Беластоцкай дасталіся 72 выканаўчыя адзінкі. Прафесійнае журы пад кіраніцтвам Міхала Дрынеўскага, выслухаўшы ў час шматгадзіннага канцэрту сямідзесяці выканачых адзінак, выставіла наступную ацэнку.
СПЕВАКІ А КАПЕЛА. Салісты – І месца: Марыя Врублеўскага з Гарадка і Вераніка Федарук з Бельска; ІІ месца: Ян Шыманюк з Семяноўкі, Галена Датчук з Машчонай-Каралеўскай, Вера Нічыпарук з Маліннік; ІІІ месца: Кацярына Ціханюк са Збуча, Валянціна Кажанеўская з Супраслі. Дуэты, трыо і квартэты – І месца: «Трыяда» (сёстры Садоўскія), трыо Кацярына Сянкевіч, Сафія Усціновіч і Ала Каменская; ІІ месца: браты Адрыян і Цэзар Данілюкі з Міхалова, кватрэт Навіна з Машчонай-Каралеўскай. Вакальныя ансамблі – гранпры: «Світанак» з Беластока. Хары (мяшаныя) – І месца: «Загадка» з Супрасля; ІІ месца: хор Дома праваслаўнай культуры з Бельску-Падляшскім. Хары (аднародныя): ІІ месца: «Васклікнавеніе» з Гайнаўкі.
Марыя Врублеўская з Гарадка
СПЕЎ З ІНСТРУМЕНТАЛЬНЫМ АКАМАНЕМЕНТАМ. Салісты. І месца – Ніна Шыманская з Орлі, Юстына Ляўчук-Майданьчык з Бельска, ІІІ месца – Вяслава Ваўрыновіч з Бельска. Дуэты, трыо, квартэты. І месца: жаночы квартэт «Васілёчкаў» з Бельска, жаночы квартэт «Чыжавян»; ІІ месца: дуэт «Лаіланд» з Грабоўкі, мужчынскі квартэт «Чыжавян, «Немаральная прапанова» з Беластока; ІІІ месца: дуэт Люба Гаўрылюк і Ала Каменская, дуэт Ніна Шыманская і Валянціна Арэшук; вылучэнне: квартэт з Мора.
Хор «Загадка» з Супрасля
Вакальныя калектывы: І месца: жаночая група «Каласкоў» з Беластока. ІІ месца: «Рэчанька» з Козлікаў, «Расспяваны Гарадок», жаночая група «Мікрона» з Беластока, жаночая група «Цаглінак» са Старога Ляўкова. ІІІ месца: «Каласкі» з Беластока, калектыў «Маланка» з Бельска. Вылучэнне: „Арляне» з Орлі, мужчынская група «Цаглінак» са Старога Ляўкова.
Фальклорны спявачы калектыў з Маліннік
Хары (мяшаныя): І месца: «Крыніца», «Мікрон» з Беластока; ІІ месца: «Васілёчкі» з Бельска, «Цаглінкі» са Старога Ляўкова; ІІІ месца: «Рэха Пушчы» з Гайнаўкі.
«Крыніца» – рэпрэзентцыйнны хор БГКТ з Беластока
Хары (аднародныя): ІІ месца: жаночая група «Васілёчкаў» з Бельска; ІІІ месца: жаночая група «Рэха пушчы» з Гайнаўкі, «Куранты» з Бельска.
«Рэха Пушчы» з Гайнаўкі
СПЕЎ ПАД ФАНАГРАМУ. Салісты. І месца: Марыя Мартынюк з Бельска, Ізабела Карчэўская з ГДК у Гайнаўцы; ІІ месца: Кацярына Дружба з ГДК у Гайнаўцы; ІІІ месца: Аляксандра Лажэцкая з Бельска. Дуэты, трыо, квартэты: І месца – трыо Анна Гуль, Партыцыя Буркевіч, Марыя Мартынюк з Універсітэта ў Беластоку, трыо «Сувенір» з Беластока. ІІ месца: «Спявай душа» з Гарадка (Аляксандра Яроцкая, Цэзар і Адрыян Данілюкі).
«Ад Рэм» з Дубровы-Беластоцкай
Вакальныя калектывы. І месца: Студыя ГДК у Гайнаўцы, Ад Рэм з Дубровы-Беластоцкай, «Оморфос» з Сямятыч; ІІ месца: «Фермата» з Орлі; ІІІ месца: «Вэрвочкі» з Орлі, «Росы» з Рыбалаў, «Знічка» з Гайнаўскага белліцэя.
