Польскі суддзя перадаў 10.000 злотых на дапамогу рэпрэсіраваным беларусам

12 жніўня ў Цэнтры беларускай салідарнасці (ЦБС) у Варшаве адбылася лекцыя вядомага польскага юрыста, суддзі і актыўнага абаронцы правоў чалавека Ігара Тулеі!


02-236992126_347194187118342_2529010884655772004_n.jpg


Спадар Ігар расказаў пра сваё бачанне ролі мірных пратэстаў у фармаванні грамадзянскай супольнасці і падзяліўся польскім досведам негвалтоўных метадаў барацьбы за свае правы. Беларусы ў сваю чаргу задалі пытанні, якія больш за ўсё іх хвалююць, і расказалі аб бягучай сітуацыі ў нашай краіне больш падрабязна.

Акрамя таго, на сустрэчы было аб’яўлена аб рашэнні Ігара Тулеі перадаць узнагароду, атрыманую ад мэрыі Варшавы (10.000 злотых) на карысць рэпрэсіраваным беларусам. Усе перададзеныя сродкі будуць накіраваны на дапамогу двум сем’ям, якія моцна пацярпелі ад пераследу ў Беларусі.


03-236183398_347194243785003_7798022789212459408_n.jpg


Кіраўніца дэпартаменту прававой дапамогі ЦБС Вольга Дабравольская падзякавала ад імя нашай арганізацыі за такую падтрымку рэпрэсіраваных і перадала польскаму суддзі памятныя падарункі.

Паводле Цэнтру беларускай салідарнасці