Свята Купальле ў гонар летняга сонцастаяння з’яўляецца адным з самых шанаваных святаў у беларусаў. Аналагі яго існуюць амаль ва ўсіх краінах свету.

Беларусы Іркуцкага таварыства беларускай культуры імя Я.Чэрскага арганізавалі онлайн конкурс «Купальскі вянок», да ўдзелу запрашаліся ўсе жадаючыя, дастаткова было адправіць арганізатарам тры фатаграфіі, на якіх захаваны момант вырабу вянка і выніковая праца.

Удзельніцы анлайн-конкурсу ўплялі ў свае тварэнні лугавыя водары і буянне летніх фарбаў. Вянкі толькі падкрэслілі прыгажосць сваіх гаспадынь!

Купальле – самае доўгачаканае, любімае і рамантычнае свята ў іркуцянаў.

Алена Сіпакова, „Беларусы Прыбайкалля“