Польскія школы з беларускай мовай навучання падрыхтаваныя да новага навучальнага году

Пачатак навучальнага году ўсё бліжэй. У Польшчы з 1 верасня ў навучальныя ўстановы вернуцца школьнікі рознага ўзросту. Зараз праходзіць таксама падрыхтоўка школ, дзе ўжо неўзабаве пачнуцца заняткі.

Самае важнае, каб будынкі школы прыцягвалі вучняў, -  кажа намеснік Комплексу школ з беларускай мовай навучання ў Гайнаўцы Ніна Лукасік:

- Падрыхтаваць школу трэба, і мы яе рыхутем, каб вучні прыйшлі да школы чыстай, каб прыемна ім было вучыцца. Трэба падрыхтаваць таксама і план лекцый. Усе настаўнікі прыходзяць таксама ў свае класы, глядзяць, што яшчэ там трэба дарабіць.

 Андрэй Сцепанюк, дырэктар беларускага ліцэю у Бельску Падляшскім:

 - Падчас канікул удалося нам зрабіць рамонт некалькіх залаў. І на калідорах зрабіць парадак. Мы цалкам падрыхтаваныя да новага навучальнага году, каб ад першага верасня пачаць навуку.

Сёлета беларускі ліцэй ў Бельску Падляшскім прыняў 103 новых вучняў-першакласнікаў, што абазначае рост ахвотных вучыцца ў нашай школе ў параўнанні з 2013 годам, калі было іх менш, чым 100 асобаў, – мяркуе Андрэй Сцепанюк.

Інакш выглядае сітуацыя ў Гайнаўскім ліцэі, дзе колькасць аддзелаў пeршых класаў змяншаецца з трох у 2013 годзе да дзвюх сёлета, – дадае Ніна Лукасік.


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение