Бел-чырвона-белыя сцягі на фестывалі "Бандэрштат" у Луцку

На вядомы ўкраінскі фестываль у гэтым годзе завітала шмат беларусаў. Над многімі намётамі можна было пабачыць бел-чырвона-белыя сцягі, луналі яны пад сцэнай падчас канцэртаў.

Распавядае Аляксей з Минска:

- Насамрэч я тут ужо ў чацвёрты раз, і вось вырашыў прыехаць зноў, адной з галоўных прычынаў з’яўляецца тое, што арганізатары казалі, маўляў, грошы, атрыманыя ад гэтага фестывалю – за квіткі, за продаж атрыбутыкі – пойдуць на падтрымку украінскага войска. Я лічу, што беларусы павінны падтрымаць гэтую справу, і ўвогуле падтрымаць Украіну ў гэтым канфлікце, бо зараз Украіна ў няпростай сітуацыі, таму я тут.

На фестывалі не абышлося і без беларускіх музыкаў. Сваёй творчасцю парадавалі ўдзельнікаў фестывалю гурт «Заточка» і бард Аляксей Мікус.

Фестываль адбываецца ў Луцку восьмы раз. У гэтым годзе ўсё грошы, сабраныя ад фестывалю, пойдуць на падтрымку войска Украіны на Усходзе.  


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение