Беларускі сцяг быў урачыста ўзняты, у прысутнасці прадстаўнікоў гарадской улады і беларуска-амерыканскай грамады, у суботу, 29 сакавіка, на галоўнай вуліцы горада каля будынку бібліятэкі-музея (традыцыя ўздымання беларускага сцяга існуе тут ад 1960-х гадоў).

Там жа была прачытаная пракламацыя мэрам горада Дня Беларускай Незалежнасці.

У нядзелю 30 сакавіка ў царкве святой Еўфрасінні Полацкай была прачытаная з нагоды ўгодкаў абвяшчэння незалежнасці БНР малітва за дабрабыт беларускага народу.

Бел-чырвона-белы сцяг будзе вісець на працягу гэтага тыдня.

Я.З.