Падчас калядных святаў Беларускую клубоўню ў Празе абрабавалі невядомыя злачынцы, пакінуўшы за сабой разбітую шыбу і пагром у памяшканні. У першыя дні новага году клубоўня сапраўды вяглядала жахліва. Злачынцы скралі ікону Бялыніцкай Божай маці, якую выканаў і падараваў клубоўні даўні сябра Пагоні, славуты беларускі мастак Алесь Пушкін. Як ні дзіўна, сучасныя злачынцы маюць добры густ!
![](/upload/sites/default/files/content/roznaie/stvarenne_abraza_maci_bozhay_byalynickay_002_0.jpg)
Алесь Пушкін стварае ікону Бялыніцкай Божай маці
Акрамя іконы, была скрадзеная ўся тэхніка і некаторыя дробныя рэчы. Усе кнігі, хай і ў раскіданым выглядзе, засталіся на клубоўні.
Неабыякавыя сябры могуць дапамагчы клубоўні фінансава, ахвяраваўшы нейкія грошы на замену шыбы (каштуе 3000 крон) і набыццё новай тэхнікі (праектар, калонкі). Нумар рахунку Пагоні:
2600498753 / 2010 (Fio banka).
З павагай,
суполка Пагоня