Гурт “Крывічы” (Іркуцк) выдаў другі альбом

Другі альбом гурта аўтэнтычнага спеву “Крывічы” выйшаў накладам 200 асобнікаў.

Гурт аўтэнтычнага спеву “Крывічы” быў заснаваны яшчэ ў 2009 годзе з ініцыятывы сціплай, але моцнай духам дзяўчыны Волі Галанавай, якая і стала яго натхняльніцай і кіраўнічкай. За гэты час склад гурта трохі мяняўся, хтосьці адыходзіў, хтосьці прыходзіў, але асноўнае ядро калетыва склалася.

Першы альбом “Вецярок вее…” “Крывічы” запісалі ў 2011 годзе. І вось цяпер выходзіць другая плытка пад назвай “А ў Калядачкі…”

Вось што напісана на вокладцы гэтай кружэлкі:

“Гэта другі альбом іркуцкага гурта “Крывічы”. Яго мы запісалі адразу пасля Калядаў 2013 года. Быў такі нейкі святочны паслякалядны настрой. Кружэлка запісвалася лёгка. З натхненнем! Таму нам захацелася захаваць гэты настрой і ў назве альбома. Да таго ж тут шмат калядных песен, адна з іх так і называецца: “А ў Калядачкі…”.   

Наш гурт імкнецца захаваць старажытную манеру спеву нашых продкаў-беларусаў. Раней у Прыбайкаллі беларуская песня гучала ў шматлікіх вёсках, заснаваных перасяленцамі. Аднак цяпер “старую” песню пачуць можна толькі зрэдку. Таму мы вырашалі даць другое жыццё традыцыйным абрадавым і пазаабрадавым спевам. Дарэчы ўсе дзяўчаты гурта “Крывічы” нарадзіліся ў Сібіры, але з задавальненнем вывучаюць мову сваіх продкаў і спяваюць родныя песні! 

Спадзяемся, што Вам спадабаецца!”

Безумоўна, трэба патлумачыць, чаму альбом запісаны яшчэ зімой у студзені, а выйшаў толькі цяпер, улетку. Усё проста: не было грошай, каб яго выдаць.

Спонсараў не знайшлося. Давялося мне выдаваць яго за свой кошт. Але гэта не бяда. Галоўнае каб слухачам спадабалася нашая творчасць, і яшчэ, не менш галоўнае, каб гэтыя песні засталіся для ўсеагульнай спадчыны нашага народа!

Склад гурта: Воля Галанава (кіраўнік), Вольга Тугарынава, Свецік Бастракова, Вялёна Рабцава,

                       Галінка Данілава, Юля Пермінава, Алег Рудакоў.

Кружэлка запісаная на Іркуцкай студыі гуказапісу: www.irkzvuk.ru.

Арганізацыйныя і фінансавыя пытанні вырашаў Алег Рудакоў

Тэлефон: +79021706830 /// e-mail: malanka2000@mail.ru


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение