Круглы стол на тэму "Паўстанне 1863 года: факты і каментары" прайшоў у Іркуцку

26 студзеня ў Іркуцку адбыўся Круглы стол на тэму "Паўстанне 1863 года: факты і каментары".

Прысутнічала больш за 30 чалавек. Месцаў для сядзення было 30, таму некаторым давялося стаяць. Былі два тэлеканалы, журналісты газет, чыноўнікі, навукоўцы (нават прафесары), палякі, украінец, рускія, але больш было беларусаў - чалавек 20.

Беларускія дакладчыкі

Выступае паляк Шастаковіч

Прагучалі даклады: агульныя пра Паўстанне (прычым і з беларускага боку, і з польскага), даклад пра Кастуся Каліноўскага, пра "Мужыцкую праўду", пра сасланых паўстанцаў-беларусаў у Іркуцк (Ян Чэрскі, Віткоўскі, Зяновіч, Свіда, Аскірка і інш.).

Слухачы

Адбылася жывая і цікавая дыскусія. Выказваліся супрацьлеглыя погляды, але ніхто не “пабіўся”. А потым за кубачкам гарбаткі удзельнікі спрэчак дык і зусім змякчэлі, хаця й наўрад ці прыйшлі да згоды. А ўвогуле карысную справу зрабілі. Разыходзіліся, зычліва паціснуўшы адно адному рукі. Дзякуй усім за ўдзел!

Паводле Алега Рудакова

Фота Андрэя Семакіна