Калядны зварот айца Аляксандра Надсана

Калядны зварот апостальскага візытатара для беларусаў замежжа айца Аляксандра Надсана.

“У гэтыя дні царква ўспамінае праведнікаў, якія жылі да нараджэння Хрыста, і былі або ягонымі продкамі паводле цела, або захавалі вернасць Богу і веру ў прыйсце Збавіцеля”, - кажа ў сваім пасланні айцец Аляксандр Надсан:

- Ёсць нешта боскае ў бескарыслівых учынках для дабра іншых. Не чакаючы падзякі, Бог, які ў сваёй бязмежнай дабрыні стварыў нас і захацеў стаць адным з нас, не мае патрэбы ў нашай удзячнасці, але пачуццё ўдзячнасці неабходнае для нас саміх, бо яно прыходзіць з усведамленнем нашага месца ў плане Божага тварэння. Ягоная дабрыня ў адносінах да нас - бескарыслівая, і калі Ён чакае ад нас пачуцця ўдзячнасці, дык гэта перадусім для нашага дабра, як доказ, што наша сэрца на сваім месцы.

Дык хай Бог, які ў сваёй бязмежнай любові захацеў стаць адным з нас, напоўніць любоўю сэрцы нашыя, каб згінула злосць і нянавісць, каб мы ўсе сталі адной сям’ёй і маглі разам усклікнуць: “Слава на вышынях Богу, супакой на зямлі, добрая воля сярод людзей!”, - кажа ў сваім калядным звароце айцец Аляксандр Надсан.


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение