“Беларуская Нацыянальная Памяць” правяла водную экспедыцыю па Беласточчыне.
“Беларуская Нацыянальная Памяць” правяла водную экспедыцыю па Беласточчыне. Маторная лодка пад бел-чырвона-белым сцягам прайшла некалькі дзесяткаў кіламетраў па рацэ Буг. Мэтай экспедыцыі была падрыхтоўка да ўсталявання памятнага крыжа ў гонар ваяроў Вялікага Княства Літоўскага. Памятны крыж паўстане на месцы бою аддзела Якуба Ясінскага з войскамі Суворава ў 1794 годзе.
Як адзначыў кіраўнік “Беларускай Нацыянальнай Памяці” Анатоль Міхнавец, беларуская Беласточчына мае багатую гісторыю і нажаль яна малавядомая.
Міхнавец: “Мэтай БНП з’яўляецца даследаванне беларускай гісторыі, культуры і традыцыі. Веды даюць сілы і паказваюць шляхі. Нам ёсць чым ганарыцца і пра гэта кажа наша гісторыя, трэба толькі ёй цікавіцца”.
Адзначым, што “Беларуская Нацыянальная Памяць” не першы раз спалучае гісторыю і спорт. На працягу апошніх пяці гадоў адбываліся лыжныя рэйды, роварныя прабегі і экспедыцыі на самаходах.
