11 красавіка 2012 г.,  у гадавіну тэракту ў мінскім метро, у Кіеве прайшла акцыя  ўшанавання  памяці загінулых у гэтай трагедыі. На пачатку акцыі ўшанавання памяці маладзёвыя актывісты “Беларускага Цэнтру” ва Украіне ў Міхайлаўскім Саборы замовілі літургію  па загінулых.

11 красавіка 2012 г.,  у гадавіну тэракту ў мінскім метро, у Кіеве прайшла акцыя  ўшанавання  памяці загінулых у гэтай трагедыі.

На пачатку акцыі ўшанавання памяці маладзёвыя актывісты “Беларускага Цэнтру” ва Украіне ў Міхайлаўскім Саборы замовілі літургію  па загінулых.

Святары храма казалі, што ў гэты дзень прыходзяць і украінцы,  і беларусы, каб ўшанаваць памяць загінулых і памаліцца за здароў’е пацярпелых ад теракту.

Потым, пасля літургіі,  каля манументу “Памяці Ахвярам Галадамору” побач з Міхайлаўскім Саборам, актывісты ўсклалі кветкі і запалілі знічкі, а таксама прачыталі малітву “Ойча наш”. Былі ўзгаданыя жахлівыя ахвяры Галадамору і паіменна беларусы-ахвяры тэракту.

Прэс-група Беларускага Цэнтру ва Украіне