Беларусы Амерыкі абмеркавалі шляхі атрымання адукацыі ў ЗША

Беларуска-Амерыканскае Задзіночанне “Пагоня” арганізавала дыскусію па пытаннях вучобы ў навучальных установах ЗША. Мерапрыемства адбылося 10 сакавіка ў Доме Маракоў на Манхэтане. Гасцямі былі беларусы, якія адвучыліся ці ўсё яшчэ навучаюцца ў розных навучальных установах  ЗША.

Беларуска-Амерыканскае Задзіночанне “Пагоня” арганізавала дыскусію па пытаннях вучобы ў навучальных установах ЗША. Мерапрыемства адбылося 10 сакавіка ў Доме Маракоў на Манхэтане. Гасцямі былі беларусы, якія адвучыліся ці ўсё яшчэ навучаюцца ў розных навучальных установах  Нью-Ёрка (Fashion Institute of Technology, New York University ), Нью-Джэрсі (Rutgers) і інш.

Падчас імпрэзы выступіў таксама сябра БАЗ “Пагоня” Мікола Сагановіч. Ён распавёў пра досвед навучання ў Амерыцы сваёй дачкі, яе поспехі і складанасці, з якімі яна сутыкнулася, будучы вымушаная спалучаць вучобу з выхаваннем дваіх дзяцей.

Удзельнікі дыскусіі не толькі закранулі тэму падрыхтоўкі адпаведных дакументаў, акадэмічных даведак,  моўных іспытаў, атрымання фінансавай дапамогі, але і адказалі на пытанні, ці наагул патрэбная вучоба ў Амерыцы,  якое яно -- студэнцкае жыццё ў ЗША, чым адрозніваюцца матэрыял і манера выкладання ў Беларусі і ў Амерыцы і інш.

Відэа з мерапрыемства глядзіце тут.

Інфармацыйны цэнтр МГА “ЗБС “Бацькаўшчына”