Адкрыў чытанні старшыня шведскага ПЭН цэнтру Ула Лашмо (Ola Larsmo). Потым выступіла міністар культуры Швецыі Лена Адэльсон Лільероц (Lena Adelsohn Liljeroth) і сакратар сацыал-дэмакратычнай партыі, сябра парламэнта Швецыі Карын Йэмцін (Carin Jämtin). Прагучалі творы шэрагу беларускіх аўтараў. Шведская пісьменніца Астрыд Тротцыг (Astrid Trotzig) чытала творы Валянціны Аксак, пісьменніца Марыя Мудыг (Maria Modig) творы Святланы Алексіевіч і Артура Клінава, Ленарт Нурдфош (Lennart Nordfors) - урывак з апавядання Васіля Быкава “Афганец”, журналіст і арганізатар акцыі Марыя Сёдэрбэрг (Maria Söderberg) - вершы Алеся Разанава. З беларускай суполкі Швецыі ў акцыі бралі ўдзел Юлія Лапіцкі, Дзмітры Плакс, Лана Вілебранд, якая прачытала на беларускай мове вершы нобелеўскага лаўрэата Тумаса Транстромэра, Юры Кажура і Андрэй Катлярчук.