National Geographic прызнаў найлепшым беларускага фатографа

У міжнародным фотаконкурсе амерыканскага часопіса National Geographic «Vale’s eye on sustainability», прысвечаным экалогіі, адным з пераможцаў стаў беларус.

У міжнародным фотаконкурсе амерыканскага часопіса National Geographic «Vale’s eye on sustainability», прысвечаным экалогіі, адным з пераможцаў стаў беларус.

На конкурс было пададзена каля 3000 работ ад фатографаў з усяго свету. Журы абрала ўсяго трох пераможцаў — у катэгорыях Challenges, Solutions і Wonders.

Фатограф з Гомеля Павал Церашковец перамог у катэгорыі Challenges з фотаработай No Balance.

Павал Церашковец працаваў у многіх беларускіх глянцавых часопісах, супрацоўнічаў з вядомым расийскім фэшн-фатографам Аляксандрам Барадуліным, украінскай рэкламнай фотастудыяй Icon Photography, здымаў на Kiev Fashion Week. Таксама ён з’яўляецца пераможцам конкурсаў у Беларусі, Расіі, Украіне, Швецыі. Публікаваўся ў амерыканскіх, французскіх, грэцкіх і кітайскіх часопісах і блогах.

Фота No Balance зробленае некалькі гадоў таму ля ЦЭЦ-4 у Мінску.

Павал Церашковец

«Тады я ў чарговы раз запрасіў адну са сваіх знаёмых мадэляў пафатаграфавацца, — распавёў Павал Церашковец. — А я люблю адкрытыя прасторы, прастора — калі ёсць дзе разгарнуцца. Вось мы і пайшлі ў палі каля ЦЭЦ. Мне здалася вельмі цікавай геаметрыя гэтага кадра. А калі даведаўся аб конкурсе, вырашыў адправіць менавіта гэтую фатаграфію, бо ў ёй заўсёды была ідэя процістаўлення чалавека і тэхналогій прыродзе і экалагічным праблемам. Бо, з аднаго боку, ЦЭЦ робіць жыццё людзей прасцейшым, а з іншага, у доўгатэрміновай перспектыве, ускладняе гэтае жыццё. Таму фота так і называецца — No Balance».

Да ганаровага звання пераможцы конкурсу прыкладаецца таксама «мега-круты» атлас ад National Geographic і фірмовая сумка.

Фатограф прызнаецца, што перамога ў такім конкурсе, безумоўна, шмат для яго значыць. «Ёсць і пэўнае фотазадавальненне, якое я атрымліваю ад падобных перамог. А ў прафесійным плане, думаю, гэта можа сур’ёзна паўплываць на маю прафесійную дзейнасць», — заўважыў Павал Церашковец.

naviny.by


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение