Знойдзена магіла Тодара Вярнікоўскага

Прадстаўнікі Віленскага беларускага таварыства палітычных вязняў і ссыльных падчас чарговай экспедыцыі 12 траўня выявілі на праваслаўных Свята-Еўфрасінеўскіх могілках у Вільні раней мала каму вядомае месца пахавання беларускага палітычнага і грамадска-культурнага дзеяча Тодара Вярнікоўскага (Вернікоўскага).
Прадстаўнікі Віленскага беларускага таварыства палітычных вязняў і ссыльных падчас чарговай экспедыцыі 12 траўня выявілі на праваслаўных Свята-Еўфрасінеўскіх могілках у Вільні раней мала каму вядомае месца пахавання беларускага палітычнага і грамадска-культурнага дзеяча Тодара Вярнікоўскага (Вернікоўскага).

Тодар Міхайлавіч Вярнікоўскі нарадзіўся ў 1861 годзе, у в. Дудзічы Ігуменскага павета, у сям’і псаломшчыка.

Працаваў у Сялянскім пазямельным банку, Міністэрстве земляробства і дзяржаўных маёмасцей Расійскай імперыі.

Пасля выхаду ў адстаўку жыў у Мінску, быў абраны ў гарадскую думу.

Да беларускага нацыянальна-адраджэнскага руху далучыўся пасля Лютаўскай рэвалюцыі 1917 г.

У снежні 1917 – красавіку 1918 гг. скарбнік Мінскага беларускага народнага прадстаўніцтва, у красавіку 1918 г. абраны ў Раду Беларускай Народнай Рэспублікі. У першым урадзе БНР на чале з Раманам Скірмунтам быў дзяржаўным скарбнікам, ва ўрадзе Янкі Серады – народным сакратаром гандлю і прамысловасці. У склад ураду БНР, які ўзначаліў Антон Луцкевіч, не ўвайшоў, бо не падзяляў сацыялістычных поглядаў апошняга.

У снежні 1918 г. разам з сябрамі Рады БНР і ўрада А. Луцкевіча пераехаў у Вільню, пасля – у Гродна.

Са жніўня 1919 г. працаваў у Часовым Беларускім нацыянальным камітэце ў Мінску, выконваў абавязкі дарадчыка і адказнага за ўзаемакантакты з Царкоўнай радай Мінскай праваслаўнай епархіі.

З 1921 года жыў у Вільні. Браў актыўны ўдзел у дзейнасці заходнебеларускіх палітычных, грамадска-культурных і рэлігійных арганізацый, узначальваў Беларускі праваслаўны камітэт па беларусізацыі Царквы.

Памёр 14 ліпеня 1938 года. Пахаваны на праваслаўных Свята-Еўфрасінеўскіх могілках у Вільні.

Старшыня Віленскага беларускага таварыства палітычных вязняў і ссыльных Валянцін Стэх

westki.info


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение