Тыдзень з 1 па 8 траўня гэтага года можна з ўсімі правамі назваць выключальна насычаным беларускімі культурнымі падзеямі ў Швецыі. Суполка беларусаў удзельнічала і вітала ў Швецыі Зміцера Вайцюшкевіча і яго музыкаў. Тыдзень з 1 па 8 траўня гэтага года можна з ўсімі правамі назваць выключальна насычаным беларускімі культурнымі падзеямі ў Швецыі. Суполка беларусаў удзельнічала і вітала ў Швецыі Зміцера Вайцюшкевіча і яго музыкаў.
Мы былі таксама сведкамі некалькіх бліскучых канцэртаў – адзін з іх даў Зміцер 2 траўня ў Сёдра тэатэрн на Сёдермальме. Шэраг імпрэзаў у стакгольмскіх царкоўных храмах зрабіў таксама музычны хор “Канкордыя” пад кіраўніцтвам Галіны Казіміроўскай. Сярод тых, хто спяваў у хоры, можна было ўбачыць і Стэфана Эрыксана, пасла Швецыі ў Беларусі, якога селета мы раней, 14 красавіка, віталі таксама ўсей нашай суполкай.
…1 траўня мы чакалі Зміцера і яго каманду раніцай на яхце ў цэнтры Стакгольма. Бел-чырвона-белы сцяг быў далёка бачны ў гэтую раніцу. Адвесці гасцей мы вырашылі на невялічкі, але вельмі прыгожы востраў, што ляжыць на стакгольмскім ахіпелагу – Логнродэн. Раніца была даволі студзёнай, што дарэчы характэрна для гэтага часу ў Швецыі, але гэта нам зусім не перашкаджала.
Гэта была цудоўная сустрэча – мы размаўлялі пра ўсе, пілі розныя напоі, зрабілі смачнае мяса. Зміцер адкрыў на Лонгродэне купальны сэзон 2011!!!
Сама паездка абылася ў няпростыя для Беларусі часы (а калі яны для нашай краіны былі простыя)…Пасля сваей крывавай “перамогі” 19 студзеня Лукашэнка яшчэ больш паспрабаваў угнаць нацыю ў заняпад і вечную зіму страху. Але нашы суайчыннікі даказалі, што здаровыя каштоўнасці, вера ў жыцце і сапраўдны талент немагчыма перамагчы.
Песні пра Беларусь і беларускую душу віталі над Стакгольмам пераможна і моцна. Ніводны з канцэртаў немагчыма назваць адкрыта палітычным. Хутчэй, наадварот…І ў гэтым, падаецца, іх моца. Бо палітыкі робяць справу і сыходзяць, а народ і яго культура застаецца.
Немагчыма не адзначыць ролю Стэфана Эрыксана, галоўнага шведскага дыпламата ў Беларусі, у падтрымцы гэтых самых істотных скарбніцаў беларускай культуры. Яго цудоўная беларуская мова і асабісты ўдзел у хоры Галіны Казіміроўскай – сведчанне таго, што Стэфан не проста пасол і чыноўнік сваей краіны. Ен чалавек, які любіць Беларусь і робіць вялікую справу, каб наша мова і культура дайшлі да Швецыі і атрымалі тут свае прызнанне і пашану.
Якой падалася беларусам Швецыя? Брат Галіны Казіміроўскай Веніямін у маёй гутарцы з ім даволі дакладна заўважыў розніцу, падкрэсліўшы: “тут у Стакгольме, які я асвоіў за тыдзень досыць добра, адчуваеш сябе больш свабодным”. Здаецца, што менавіта гэтае пачуцце і было галоўнай матывацыяй прыезду нашых землякоў і іх жадання адчыніць нам таямніцы свайго дзіўнага мастацтва. Паводле Стэфана Эрыксана, у прыватнасці хор Галіны Казіміроўскай сваю паездку аплочваў за свае асабістыя грошы – ніякай фінансавай дапамогі!!! Здаецца, усе ў нашых беларускіх людзей сёння ёсць – ім не хапае галоўнага – свабоды і волі для таго, каб ісці наперад і атрымліваць асабістае развіццё.
Такія звычайныя чалавечыя кантакты адчыняюць перспектыву і даюць магчымасці спадзявацца, што нашы стасункі са шведскім грамадствам будуць толькі пашырацца. З боку суполкі праца па паглыбленню такіх кантактаў будзе прадоўжана.
Юры Кажура Старшыня Рады Беларусаў Швецыі
