Спектакль "Быць Гаральдам Пінтэрам" Беларускага Свабоднага тэатра намінаваны на атрыманне амерыканскага тэатральнага прыза Drama Desk Award.
Гэты прыз быў заснаваны 55 гадоў таму ў Нью-Ёрку пасля таго, як шэраг крытыкаў і тэатральных прадзюсераў не пагадзіліся з сітуацыяй, калі галоўная амерыканская тэатральная ўзнагарода Tony ўручаецца толькі спектаклям, якія ідуць на Брадвеі.
Drama Desk Award - гэта галоўная тэатральная ўзнагарода Амерыкі для спектакляў, прэзентаваных ў Нью-Ёрку не толькі на Брадвеі, але і па-за Брадвеем.
Гэтая ўзнагарода стала першай у кар'еры такіх зорак тэатра як Эндру Лойд-Уэбер, Эдвард Олбі, Дастын Хофман і многіх іншых. На атрыманне гэтай прэстыжнай амерыканскай ўзнагароды ў гэтым годзе прэтэндуюць 6 спектакляў: Being Harold Pinter Circus Incognitus Gatz Play Dead Room 17B Sleep No More
Пераможца стане вядомы 23 траўня.
