Заява ад беларускіх грамадскіх арганізацый Літвы

Пасля фальсіфікацыі прэзідэнцкіх выбараў у Беларусі 19 снежня 2010 года назіраюцца спробы легітымізаваць рэжым Лукашэнкі і апраўдаць рэпрэсіі, якія адбываюцца ў Беларусі. З гэтай мэтай  выкарыстоўваюцца шэраг лаяльных да беларускай ўлады арганізацый.
Заява беларускіх грамадскіх арганізацый Літвы

да сусветнага грамадства пра сітуацыю ў Беларусі пасля 19.12.2010 г.

Пасля фальсіфікацыі прэзідэнцкіх выбараў у Беларусі 19 снежня 2010 года назіраюцца спробы легітымізаваць рэжым Лукашэнкі і апраўдаць рэпрэсіі, якія адбываюцца ў Беларусі. З гэтай мэтай  выкарыстоўваюцца шэраг лаяльных да беларускай ўлады арганізацый. Як прыклад - вынікі канферэнцыі, якая адбылася 12 сакавіка ў Рызе, на якой быў прыняты зварот з пратэстам супраць санкцый да рэжыма Лукашэнкі.

У сувязі з гэтым заяўляем, што мы, беларускія грамадскія арганізацыі Літвы,  якія не ўваходзяць у “Згуртаванне беларусаў  Літвы” - не падтрымліваем прыняты на каферэнцыі ў Рызе зварот. На працягу доўгага часу назіраліся шматлікія спробы кіраўніцтва Еўрапейскага Звязу і сусветнай грамадскасці, дамагчыся дэмакратызацыі Беларусі, але большасць з іх была, на жаль, малаэфектыўнай, таму што дыктатура разумее толькі мову сілы. Гэта пацвярджаецца тым, што толькі тады, калі ўзнікала пагроза эканамічных санкцый, вызваляліся палітвязні і зніжалася хваля рэпрэсіяў.

Звяртаемся да Еўразвязу  і сусветнай грамадскасці з заклікам зрабіць рашучыя крокі зараз, якія паспрыяюць спыненню рэпрэсіяў у Беларусі. Такімі крокамі павінны стаць усе неабходыя санкцыі, супраць рэжыму Лукашэнкі.

Разам з тым мы заўсёды гатовыя да дыялогу з усімі дэмакратычными сіламі, як унутры Літвы, так і за яе межамі і падтрымліваем дыялог Еўропы з Беларуссю, пры ўмовах спынення рэпрэсіяў, вызвалення палітвязняў і правядзення свабодных дэмакратычных выбараў.

Спіс арганізацый:
ЗА ДЭМАКРАТЫЧНУЮ БЕЛАРУСЬ

1. Культурны цэнтр Якуба Коласа ў Вільні

2. Таварыства беларускага пісменства

3. Беларускі музей імя Ів. Луцкевіча

4. Таварыства беларускай культуры ў Літве

5. Маладзёвая ініцыятыва StudAlliace

6. Беларускае бюро палітыча-грамадзянскага прадстаўніцтва ў Літве

7. Рада згуртавання беларускай моладзі Віленшчыны


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение