У адказ на зробленую прэзідэнтам Згуртавання беларускіх грамадскіх арганізацый у Літве сп. Р. Вайніцкім заяву для DELFI ад імя беларусаў краіны напярэдадні канферэнцыі беларусаў замежжа (Эстоніі, Латвіі, Літвы, Польшчы і Расіі) у Рызе ў сваю чаргу заяўляем, што:
Ні я асабіста, як фізічная асоба і як беларус, ні наша таварыства, як асоба юрыдычная і як адна з беларускіх грамадскіх арганізацый у Літве, якую я маю гонар прадстаўляць, нікога, у тым ліку сп. Р. Вайніцкага, рабіць якія-небудзь заявы ад майго/нашага імя не ўпаўнаважвалі.
Думаю, што перш чым выступаць з падобнымі заявамі, трэба было спачатку пацікавіцца меркаваннем іншых беларусаў/беларускіх грамадскіх арганізацый у Літве.
Да таго ж, грамадскія арганізацыі аб’ядноўваюць у сваіх шэрагах толькі нязначную частку нашага грамадства. Таму, рабіць такія заявы ад імя ўсіх беларусаў Літвы, як мінімум, не карэктна.
У сувязі з вышэй сказаным, заяўляем, што Віленскае беларускае таварыства палітычных вязняў і ссыльных нічога агульнага з гэтай заявай не мае.
Старшыня Віленскага беларускага таварыства палітычных вязняў і ссыльных Валянцін Стэх
