Калі дзяржаўныя выдавецтвы не запланавалі выданне Вашых кніг, а недзяржаўныя не маюць сродкаў ці магчымасці пусціць у свет Ваш твор, які варта аддаць “у людзі”, калі наклад ранейшай публікацыі разышоўся, і шукаць Ваш твор у кнігарнях ці бібліятэках – безвыніковая страта часу, а на перавыданне няма спадзеву, да супрацы запрашае Беларуская Інтэрнэт-Бібліятэка Кamunikat.org.
Кamunikat.org размесціць Вашыя кнігі ў найбуйнешай скарбонцы беларускай літаратуры ў сеціве. Доступ да твораў атрымаюць чытачы не толькі школьнай або раённай бібліятэкі – мы пусцім іх у свет. Вашыя кнігі, выдадзеныя ў “перадкампутарную” эпоху атрымаюць лічбавую версію высокай якасці, а Вы – асабістую інтэрнэт-старонку. Чытач атрымае магчымасць пазнаёміцца з кнігамі, не выходзячы з дому, спазнаць Вашу творчасць у поўным аб’ёме, а таксама выказаць сваё меркаванне.
Падрабязнасці і ўмовы супрацы – праз кантакт kamunikat@kamunikat.org.
