Актывісты Беларуска-Еўрапейскага задзіночання ўзялі актыўны ўдзел у пікеце, які быў зладжаны беларусамі розных краін Еўразвязу 31 студзеня.
Пікетоўцы сведчылі палітыкам Еўропы аб неабходнасці патрабавання ад існуючага ў Беларусі рэжыму правядзення новых прэзідэнцкіх выбараў без удзелу Лукашэнкі.
У адным з інтэрв’ю Радным БНР Зміцерам Піменавым быў выказаны крытычны пункт гледжання на падыход да беларускіх праблемаў з боку афіцыйных палітыкаў краін Еўропы. У прыватнасці сп. Піменаў выказаў меркаванне, што прагматызм некаторых з іх не дазволіць і надалей беларускаму грамадству развівацца ў дэмакратычным накірунку.
Актывістамі БЭЗу была распаўсюджана вялікая колькасць ўлётак з інфармацыяй пра сітуацыю ў Беларусі.
