З просьбай аказаць дапамогу ў вырабе помніка беларусы Малдовы звярнуліся ў Міністэрства культуры Беларусі. Са свайго боку беларуская суполка Малдовы возьмецца за пошук месца для помніка і афармленне неабходных дакументаў, звязаных з дазволам на ўсталяванне помніка.
У адпаведным лісце, накіраваным на імя Міністра культуры Беларусі Паўла Латушкі, Юры Статкевіч адзначыў, што ў беларусаў Малдовы няма культавага месца, дзе яны маглі б збірацца для розных урачыстасцяў.
“Мы па-добраму зайздросцім рускім, украінцам, балгарам і другім нацыянальным дыяспрам, якія могуць у любы час прынесці кветкі да помнікаў сваім выдатным дзеячам гісторыі і культуры: А.Пушкіну, Т.Шаўчэнку, Х. Боцеву. А таму вельмі спадзяемся, што і ў нас таксама з’явіцца помнік, да якога не зарасце травой стяжынка”, -- піша Юры Стакевіч.
Беларуская грамада ў Рэспубліцы Малдова дзейнічае амаль 20 гадоў. За гэты час яна аб’яднала сотні беларусаў, якія па волі лёсу трапілі ў Малдову. Сёння у 7 самых вялiкiх гарадах Малдовы (Кiшынеу, Бельцы, Цiраспаль, Бэндэры, Комрат, Рыбнiца, Грыгаропаль) арганiзаваны i дзейнiчаюць беларускiя суполкi. I на працягу ўсіх гэтых гадоў беларусы Малдовы захоўваюць родную мову, культуру і традыцыі.
Кожны год у суполцы правoдзяцца шматлікія літаратурныя чытанні, адзначаюцца юбілеі беларускіх грамадска-культурных дзячаў, выдаюцца кнігі беларускіх пісьменнікаў Малдовы.
Шэраг культурніцкіх мерапрыемстваў запланаваны на 2011 год. Ужо ў лютым пройдуць першыя літаратурныя чытанні, прысвечаныя 90-годдзю народных пісьменнікаў Беларусі Івана Мележа і Івана Шамякіна.
Затым беларусы Малдовы адзначаць юбілейныя даты з дня нараджэння Кандрата Крапівы, Змітрака Бядулі, Янкі Лучыны, Уладзіміра Мулявіна, Цётки, Міхася Чарота.