У Нараўцы запрацавала беларуска-польская выстаўка

Галерэя імя Тамары Саланевіч у Нараўцы папоўнілася новымі мастацкімі працамі. Тут адкрылася выстава, што падводзіць вынікі міжнароднага пленера, у якім прымалі ўдзел беларускія і польскія мастакі.

Экспануюцца таксама працы і папярэдніх пленераў, якія адбываліся у розныя поры году. Войт гміны Нараўка Мікалай Павільч, які падтрымоўвае ініцыятыву пленераў, заявіў, што неўзабаве адбудзецца юбілейная дзясятая такая сустрэча:

– Ёсць надзея, што ў гэтым годзе – летам або восенню – адбудзецца дзясятая сустрэча. Нам трэба яшчэ пастарацца, каб выдаць альбом гэтых дзесяці выпускаў – каб яны ўвекавечыліся і засталіся для будучыні. Пленеры і вернісажы маюць ужо сваё месца ў гміне Нараўка ды трэба іх працягваць.

Мастакі, якія прымаюць удзел у пленерах вельмі ахвотна перадаюць ва ўласнасць галерэі свае працы, каб, як адзначыў камісар выставы Казімір Юргелянец, пакінуць па сабе памяць:

– Гэта вельмі прыемная акалічнасць, калі мы можам пакінуць нейкі след – след на гэтай нараўчанскай зямлі. Думаю, што кожны ўдзельнік пленера, а гавару тут ад імя ўсіх іх, з прыемнасцю такі след пакідае – дзеля таго, каб нешта засталося пасля  самога чалавека.

Выставу ў Галерэі імя Тамары Саланевіч можна глядзець да канца траўня.

"Радыё Рацыя"


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение