У бібліятэцы Адэсы адчыняць аддзел беларускай літаратуры

У Адэскай цэнтральнай дзіцячай гарадской бібліятэцы імя А. Гайдара  сёння адбудзецца адкрыццё спецыялізаванага аддзела кніг па беларускай тэматыцы.

У гэтым аддзеле будуць прадстаўлены кнігі па гісторыі, культуры, мастацтву Беларусі, беларускім народным традыцыям і фальклору. Кнігі падораны беларускім культурным нацыянальным таварыствам.

На адкрыццё аддзела беларускай літаратуры запрошаны прадстаўнікі Пасольства Рэспублікі Беларусь ва Украіне, кіраўнікі нацыянальна-культурных таварыстваў, актывісты беларускай абшчыны.

Мерапрыемства прымеркавана да Міжнароднага дня роднай мовы, які адзначаецца 21 лютага.

Акрамя таго, як паведамляецца на сайце Адэскага гарсавета , у межах святкавання Міжнародннага дня роднай мовы 22 лютага ў Адэсе адбудзецца круглы стол на тэму “беларуская мова - мова на стагоддзі”.

Арганізатарам правядзення круглага стола выступілі ўпраўленне па пытаннях культуры і мастацтваў і ўпраўленне ўнутранай палітыкі Адэскага гарсавета. Інфармацыйны цэнтр МГА “ЗБС “Бацькаўшчына”


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение